మహేష్ మూవీ టైటిల్ అదేనంట!

Posted: 02/20/2017 03:46 PM IST

Star producer on mahesh murugadoss movie title

మహేష్ మురగదాస్ సినిమా ఆల్ మోస్ట్ చివరి దశకు చేరుకున్నప్పటికీ టైటిల్ విషయంలో మాత్రం ఇంకా క్లారిటీ ఇవ్వలేదు. ఇంకా ఫస్ట్ లుక్ విడుదల కానీ ఈ చిత్రం టైటిల్ విషయంలోనే సుమారు 6 నెలల కాలాయపన చేసేసింది. ఇంతకు ముందు హిందీ వర్షన్ టైటిల్ విషయంలో ఓ స్పష్టత వచ్చినట్లు లీక్ ల ద్వారా తెలుసుకున్నాం. ఇక ఇప్పుడు ఈ చిత్ర టైటిల్ పై ఓ క్లారిటీ వచ్చేసినట్లే అనిపిస్తోంది.

తొలినాళ్లలో ఏజెంట్ శివ, మిస్టర్ శివ, వాస్కోడిగామా ఇలా రకరకాల టైటిళ్లు వినవచ్చిన ఈ చిత్రం చివరకు సంభవామి అనే టైటిల్ ను ఫిక్స్ చేసుకుంది. అయితే అది కేవలం హిందీ వర్షన్ కావటంతో తెలుగు, తమిళ్ టైటిళ్ల విషయంలోనే ఏంటన్నది ఓ స్పష్టత లేకుండా పోయింది. కానీ, స్టార్ ప్రొడ్యూసర్ పీవీపీ మహేష్ మూవీపై ఎట్టకేలకు హింట్ ఇచ్చేశాడు. వీడియో కోసం ఇక్కడ క్లిక్ చేయండి

ఈ చిత్ర నిర్మాతల్లో ఠాగూర్ మధు కూడా ఓ భాగస్వామిగా ఉన్నాడన్న విషయం తెలిసిందే. విన్నర్ ప్రీ రిలీజ్ ఆడియో పంక్షన్ లో మాట్లాడుతూ మధు ఈ యేడాది మూడు సినిమాలు నిర్మించబోతున్నాడని, అందులో ఒకటి విన్నర్ కాగా, రెండోది మిస్టర్ అని, ఇక చివరిది సంభవామి యుగే యుగే అని ప్రకటించాడు. ఈ మధ్యే సంభవామి అనే టైటిల్ గురించి లీక్ అందగా, బహుశా తెలుగు, తమిళ్ వర్షన్ ల కోసం సంభవామీ యుగే యుగే గా రిజిస్టర్ చేయించి ఉంటారని అర్థమౌతోంది.

మొత్తానికి తమ ఫేవరెట్ హీరో చిత్ర టైటిల్ విషయంలో ఇప్పటికీ ఓ స్పష్టత రావటంతో అభిమానులు పండగ చేస్కుంటున్నారు. కానీ, అది అధికారికంగా వెలువడేది మాత్రం ఫస్ట్ లుక్ తోనే సుమీ! ప్రస్తుతానికైతే టీజర్ ను సుమారు 30 లక్షల తో రూపొందించబోతున్నారని సమాచారం.