నాగ చైతన్య కొత్త సినిమా లాంఛ్ అయ్యింది

Posted: 02/07/2017 10:24 AM IST

తన లాంగ్ ఫ్రెండ్ కమ్ లవ్ లవ్ సమంతతో సీక్రెట్ రొమాంటిక్ ట్రాక్, ఆపై అఫీషియల్ ఎంగేజ్ మెంట్ కానిచ్చేసిన నాగ చైతన్య ప్రస్తుతం ఆ మూడ్ నుంచి బయటపడే పనిలో ఉన్నాడు. అదేనండీ సినిమాల వైపు మళ్లీ తన దృష్టిని మళ్లించాడు. లేటెస్ట్ గా ఈ అక్కినేని వారసుడి కొత్త ప్రాజెక్ట్ అఫీషియల్ గా లాంఛ్ అయ్యింది.

మేనమామ సురేష్ బాబు, మరో స్టార్ ప్రోడ్యూసర్ సాయి కొర్రపాటి సంయుక్తంగా నిర్మించబోతున్న ఈ చిత్రం ద్వారా కృష్ణ ఆర్వీ మరిముత్తు అనే డెబ్యూ డైరక్టర్ టాలీవుడ్ కు పరిచయం కాబోతున్నాడు. ఇక ఇందులో చై సరసన లావణ్య త్రిపాఠి నటించనుంది. ఈ ఉదయం ముహుర్తం షాట్ తో ప్రారంభమైన సినిమా వచ్చే నెల నుంచి రెగ్యులర్ షూటింగ్ జరుపుకోబోతుంది. నటుడు శ్రీకాంత్ ఓ ఇంపార్టెంట్ క్యారెక్టర్ లో కనిపించబోతున్నాడు. రాజమౌళి ఫ్యామిలీతో పాటు మరికొందరు ప్రముఖులు ఈ కార్యక్రమానికి హాజరయ్యారు.

మరోవైపు సోగ్గాడే చిన్నినాయన దర్శకుడు కళ్యాణ్ కృష్ణ తో చైతూ సినిమా దాదాపు షూటింగ్ పూర్తి కావొచ్చింది. రకుల్ ప్రీత్ సింగ్ లీడ్ రోల్ లో కనిపించబోతున్న ఈ సినిమాలో ఓ సీనియర్ నటి కీలకపాత్ర పోషించబోతుందని సమాచారం. బంగార్రాజు, అల్లరి అల్లుడు అనే టైటిళ్లు పరిశీలనలో ఉన్నట్లు ఆ మధ్య వార్తలు వచ్చాయి.