మరదలి కోసం స్టార్ హీరో రేర్ ఫీట్

Posted: 11/24/2016 11:42 AM IST

ప్రస్తుతం యువహీరోల జోరు మాములుగా లేదు. ఇంతకు ముందు హీరోలంటే ఏడాదికో, ఏడాదిన్నరకో ఓ సినిమా అన్న చందాన ఉండేవాళ్లు. అయితే విజయ్ సేతుపతి, నాని లాంటి దక్షిణాది హీరోల పుణ్యామాని సంవత్సరానికి మూడు, నాలుగు చిత్రాలతో సందడిగా ఉంటోంది.

కోలీవుడ్ స్టార్ హీరో, రజనీ అల్లుడు ధనుష్ కూడా ఇందుకు మినహాయింపు కాదు. ఈ యేడాది అల్రెడీ రెండు చిత్రాలతో వచ్చేశాడు. రైల్ చిత్రం అట్టర్ ఫ్లాప్ కాగా, రీసెంట్ గా వచ్చిన ధర్మయోగి దుమ్మురేపేసింది. ఇక ఇప్పడు అల్రెడీ సెట్స్ మీద మరో రెండు చిత్రాలు ఉన్నాయి. ఇంతలో బైలింగువల్ అంటూ వీఐపీ-2 సీక్వెల్ ను అనౌన్స్ చేసేశాడు కూడా. ప్రస్తుతం గౌతమ్ మీనన్ సినిమాతోపాటు, వెట్రిమారన్ దర్శకత్వంలోనూ ఓ మూవీలో యాక్ట్ చేస్తున్న ధనుష్, మరదలు సౌందర్య దర్శకత్వంలోనే వీఐపీ 2 చేయనున్నాడు.

ఇందుకోసం ముగ్గురు హీరోయిన్లు ఈ సినిమాలో నటించబోతున్నారని తెలుస్తోంది. అమలాపాల్ తోపాటు, కాజల్, మాంజిమా మోహన్ లు కూడా  సినిమాలో నటించబోతున్నారని తెలుస్తోంది. ఈ రకంగా ఫస్ట్ టైం తన కెరీర్ లో ధనుష్ ముగ్గురు హీరోయిన్లతో జోడీ కట్టబోతున్నాడు. అయితే ఇది వీఐపీ-2 కోసమా? లేక గౌతమ్ మీనన్, వెట్రిమారన్ సినిమా కోసమా అన్నది మాత్రం స్పష్టత లేకుండా పోయింది.