నవంబర్ 20న తలైవా ట్రీట్

Posted: 10/15/2016 10:20 AM IST

తలైవా తెరపై రోబో గా మరోసారి శంకర్ దర్శకత్వంలో రాబోతున్నాడని తెలిసిందే. ఇండియాలోనే భారీ బడ్జెట్ తో 'రోబో 2.0' చిత్రం తెరకెక్కుతోంది. ఇటీవలే షూటింగ్ ఆఖరికి దశకు చేరిన ఈ సినిమాకి సంబంధించిన కొన్ని ముఖ్యమైన సన్నివేశాలను .. ఒక పాటను చిత్రీకరించారు. రిలీజ్ కు చాలా టైం ఉండటంతో ఇప్పుడు ఫస్టులుక్ కోసం .. ఫస్టు టీజర్ కోసం అభిమానులు ఆసక్తిగా ఎదురుచూస్తున్నారు.

వారందరి కోరికను తీరుస్తూ లైకా ప్రొడక్షన్ వారు ఓ అనౌన్స్ మెంట్ చేశారు. నవంబర్ 20వ తేదీన ఫస్టులుక్ ను .. టీజర్ ను వదలడానికి రంగం సిద్ధమైంది. ఈ తేదీన ఇవి రానున్నట్టుగా కొన్ని రోజుల క్రితమే వార్తలు షికారు చేశాయి. అదే తేదీని తాజాగా ఈ సినిమా టీమ్ ఖరారు చేసింది. ఇప్పటికే బడ్జెట్ పరంగా .. భారీ తారాగణం పరంగా .. భారీస్థాయి గ్రాఫిక్స్ పరంగా ఒక రేంజ్ లో అంచనాలు వున్నాయి. ఇక ఫస్టు టీజర్ తరువాత ఏ స్థాయిలో అంచనాలు పెరుగుతాయో చూడాలి.

ఇక ఈ సినిమా కోసం రజనీ సైంటిస్ట్ గెటప్ కి కొత్త మేనరిజంను పెట్టబోతున్నారంట. కొరియా నుంచి తెచ్చిన సూపర్ ఫైటర్లతో ఈ మధ్యే ఓ యాక్షన్ సీన్ ను తీసినట్లు సమాచారం. భారీ తనం ఏ మాత్రం మిస్ కాకుండా సినిమాను ప్రజెంట్ చేయబోతున్నాడు ఇండియన్ స్పీల్ బర్గ్.