టాలీవుడ్ లో సంచలనంగా మారిన చోక్కా

Posted: 09/23/2016 04:29 PM IST

టాలీవుడ్ లో స్టైల్, డ్రెస్సింగ్ ల విషయంలో స్టార్లు చాలా జాగ్రత్తలను పాటిస్తుంటారు. ఎందుకంటే అభిమానులకు అది ఓ ఫ్యాషన్ ట్రెండ్ గా మారిపోవాలన్నది వారి ఇంటెన్షన్. అయితే ప్రస్తుతం టాలీవుడ్ లో ఓ షర్ట్ గురించి ఎక్కడ చూసినా చర్చించుకుంటున్నారు. దీనికి కారణం దాని వెనక ఉన్న చరిత్ర... అదేంటో ఓసారి లుకేద్దాం...

ఆ మధ్య మెగాస్టార్ చిరంజీవి ఓ మెగా ఆడియో పంక్షన్ కి బ్లాక్ అండ్ ట్రాన్స్ పరెంట్ షర్ట్ లో వచ్చాడు. లోపల చారలతో డబుల్ చోక్కా మాదిరిగా కనిపించిన దీనిపై ఇప్పుడు టాలీవుడ్ సెలబ్రిటీలు అంతా మోజు పెంచేసుకున్నారు. ఆపై మెగా పవర్ స్టార్ రాంచరణ్ కూడా ఓ కార్యక్రమానికి ఇలాంటి చోక్కాలోనే దర్శనమిచ్చాడు. ఇక ఓ లేడీ ఫ్యాన్ తో టాలీవుడ్ సూపర్ స్టార్ సోషల్ మీడియాలో పెట్టిన ఫోటోలో ఇదే షర్ట్ కామన్ గా కనిపిస్తుంది.

రీసెంట్ గా జనతా గ్యారేజ్ లో అయితే ఎన్టీఆర్ ఓ యాక్షన్ సన్నివేశంలో ఈ చోక్కాలోనే కనిపించాడు. చివరకు జాగ్వారా ఆడియో పంక్షన్ లో జగ్గూభాయ్ కూడా ఇదే షర్ట్ తో సందడి చేశాడు. ఇంతకీ ఈ చోక్కా ఎక్కడిదని ఆరా తీస్తే అసలు విషయం తెలిసింది. ప్రముఖ డిజైనర్ కోన నీరజ అదేనండీ సమంత బెస్ట్ ఫ్రెండ్ ఆమె రూపొందించిందే ఈ షర్ట్. ప్రస్తుతం ఇది టాలీవుడ్ లో వైరల్ గా మారగా, త్వరలో మాములు జనాల కోసం మార్కెట్లోకి రిలీజ్ చేసేందుకు సన్నాహాలు చేసేస్తున్నారు.