పవన్ టీవీషో ఆగడానికి అసలు కారణం

Posted: 07/26/2016 11:53 AM IST

పవర్ స్టార్ పవన్ కళ్యాణ్ తో అమీర్ ఖాన్ సత్యమేవ జయతే తరహాలో ఓ కార్యక్రమం చేయాలని ప్రముఖ ఛానెల్ ఈటీవీ ఆ మధ్య ఫ్లాన్ చేసింది. సామాజిక స్పృహతో కూడిన ఈ షో ద్వారా ప్రజా సమస్యలను చూపటంతో పాటు, చివర్లో నేతల అభిప్రాయలను, సమస్య సాధన దిశగా కృషి చేసే దిశగా ఈ ప్రోగ్రాం ఉండబోతుందని అప్పట్లో ప్రచారం సాగింది.

అయితే ఆ ఆలోచనను ఈటీవీ విరమించుకుందని, సర్దార్ గబ్బర్ సింగ్ ప్లాప్ కావటంతోనే ఈ నిర్ణయానికి వచ్చిందని వార్తలు వచ్చాయి. అయితే అదంతా ఉత్తదేనని పవన్ సన్నిహితులు చెబుతున్నారు. ఈటీవీతో పవన్ కి ఉన్న అనుబంధం, పైగా 20 వార్షికోత్సవాలకు ముఖ్యఅతిథిగా హాజరయిన సమయంలో, తర్వాత కూడా చాలా సార్లు  ఈ కార్యక్రమం గురించే చర్చించాడంట. అయితే పవన్ లాంటి స్టార్ ను హ్యాండిల్ చేసే దర్శకుడు దొరక్క పోవటంతో ఈ కార్యక్రమంను వాయిదా వేసినట్లు  సమాచారం.

దర్శకుడి ఎంపిక జరగ్గానే ఈ కార్యక్రమం మొదలు కాబోతుందట. ఇంకోవైపు కాస్త సోషల్ టచ్ ఉన్న దర్శకుడు క్రిష్  అయితే ఈ కార్యక్రమాన్ని సరిగ్గా లీడ్ చేయగలడని రామోజీ రావు ఆలోచనలో ఉన్నాడంట. త్వరలోనే దీనిపై ఓ స్పష్టత వచ్చే అవకాశం ఉంది.  

-భాస్కర్