సుక్కుతో సరికొత్తగా..!

Posted: 06/28/2016 11:25 AM IST

హీరో రామ్‌చరణ్‌ తేజ్ మంచి జోరుమీదున్నాడు. ఇక నుంచి విరామం లేకుండా సినిమాలు చేయబోతున్నారు. ప్రస్తుతం ‘ధ్రువ’ చిత్రీకరణతో బిజీగా గడుపుతున్న ఆయన కోసం అప్పుడే కథని సిద్ధం చేశారు ప్రముఖ దర్శకుడు సుకుమార్‌. ఆ చిత్రానికి సెప్టెంబరులో ముహూర్తం పెట్టేశారని తెలుస్తోంది. ‘నాన్నకు ప్రేమతో’ తర్వాత రామ్‌చరణ్‌ సినిమాకి సంబంధించిన స్క్రిప్టుపైనే కసరత్తులు చేసాడట ఈ లెక్కల మాస్టర్.

ఒక గ్రామీణ నేపథ్యంలో సాగే  విభిన్నమైన కథని చెర్రీ కోసం సిద్ధం చేసినట్టు తెలిసింది. మైత్రీ మూవీ మేకర్స్‌ సంస్థ నిర్మించనున్న ఆ చిత్రంలో రామ్‌చరణ్‌ కనిపించే విధానం కూడా సరికొత్తగా సుకమార్ స్టైల్లో ఉంటుందట. సుకుమార్‌ సినిమాల్లో కథానాయకుల గెటప్పులు ఎప్పుడూ విభిన్నంగానే ఉంటాయి. చెర్రీ కోసం కూడా సుక్కు ఓ కొత్త గెటప్‌ని రెడీ చేస్తున్నట్లుగా చెప్తున్నారు అందరూ.

ఈ సినిమాకి దేవిశ్రీప్రసాద్‌ సంగీతం సమకూర్చనున్నాడు. మిగతా టెక్నీషియన్స్ వివరాలు త్వరలోనే వెల్లడిస్తామని చిత్రయూనిట్ చెప్తోంది.

- మూర్తి