స్టార్ హీరో కూతురు పెళ్లికి రెడీ

Posted: 06/27/2016 03:48 PM IST

Chiyan vikram daughter ready for marriage

మరో టాప్ హీరో కూతురు త్వరలో మూడు ముళ్లు వేయించుకునేందుకు సిద్ధమైపోతుంది. విలక్షణమైన నటనతో తనకంటూ ఓ ప్రత్యేకతను సంతరించుకున్నాడు కోలీవుడ్ నటుడు విక్రమ్. ఆయన కుమార్తె అక్షితను త్వరలో ఓ ఇంటిదాన్ని చేసి సాగనంపేందుకు విక్రమ్ చూస్తున్నాడంట.

ప్రముఖ వ్యాపారవేత్త, సీకే బేకరీ యజమాని రంగనాథన్ ఫ్యామిలీకి చెందిన మను రంజిత్ తో ఆమె వివాహం నిశ్చయించినట్లు విక్రమ్ సన్నిహితులు చెబుతున్నారు. మను డీఎంకే చీఫ్ కరుణానిధి మనవడు కూడా. జూలై10న ఏ ఆర్భాటం లేకుండా ఓ స్టార్ హెటల్లో ఇరు కుటుంబాల సమక్షంలోనే ఎంగేజ్ మెంట్ నిర్వహించి, వచ్చే ఏడాది గ్రాండ్ గా వివాహం చేసేందుకు సన్నాహాలు చేస్తున్నారు.

ప్రస్తుతం కారికాలన్, ఇరుమురుగన్, గరుడా చిత్రాలతో బిజీగా ఉన్న విక్రమ్ మరో పక్క కూతురి వివాహవేడుక కార్యక్రమాలన్నీ దగ్గరుండి చూసుకునేలా షెడ్యూల్ ప్లాన్ చేసుకున్నాడంట.

భాస్కర్