సోనూసూద్ భార్యకి చెమటలు పట్టించాడు

Posted: 06/25/2016 10:09 AM IST

చోరశిఖామణుల దాటికి బలవ్వని వారు ఎవరైనా ఉంటారా? సెలబ్రిటీలు కూడా అందుకు మినహాయింపు ఏం కాదు. అయితే ప్రతిష్టాత్మకంగా స్పెయిన్ లో నిర్వహిస్తున్న బాలీవుడ్ ఇఫా అవార్డుల సందర్భంగా ఓ బాలీవుడ్ నటుడు దొంగ దెబ్బకి ఇబ్బందులు ఎదుర్కొవాల్సిన పరిస్థితి వచ్చింది.

ప్రముఖ నటుడు సోనూసూద్ ఆయన భార్య సోనాలితో సహా ఈ కార్యక్రమానికి హాజరయ్యాడు.  మాడ్రిడ్ ఎయిర్ పోర్టులో దిగగానే ఆమె హ్యాండ్ బ్యాగ్ ను ఒక వ్యక్తి కొట్టేశాడు. సుడిగాలి వేగంతో వచ్చిన దొంగ ఆమె బ్యాగ్ ను లాక్కుని పారిపోయాడు. పట్టుకునేందుకు సోనూసూద్ పరిగెత్తిన లాభం లేకపోయింది. ఈ హఠాత్ పరిణామంతో ఆయన భార్య సోనాలి గజగజ వణికిపోయిందట.

కాగా, ఆ బ్యాగ్ లో పాస్ పోర్ట్ తో పాటు కొన్ని ముఖ్యమైన డాక్యుమెంట్లు ఉన్నట్లు సమాచారం. ఈ విషయాన్ని అక్కడి భారత దౌత్యాధికారికి, ఎయిర్ పోర్ట్ అధికారుల దృష్టికి ఆయన చేరవేశాడు. తాత్కాలిక ఏర్పాట్లు జరగకపోతే వారిద్దరు భారత్ కి వెంటనే తిరిగి వచ్చే అవకాశాలు లేవు.