మెగాస్టార్ కు ‘సుప్రీమ్’లో ఏం నచ్చాయంటే?

Posted: 05/05/2016 10:51 AM IST

సాయిధరమ్ తేజ, రాశిఖన్నా జంటగా నటించిన తాజా చిత్రం ‘సుప్రీమ్’. శ్రీ వెంకటేశ్వర క్రియేషన్స్ బ్యానర్ పై శిరీష్ నిర్మాతగా పరిచయమవుతున్న ఈ చిత్రానికి ‘పటాస్’ ఫేం అనిల్ రావిపూడి దర్శకత్వం వహించాడు. సాయికార్తీక్ సంగీతం అందించిన పాటలకు మంచి రెస్పాన్స్ వస్తోంది. ఇందులో ‘పటాస్’ ఫేం హీరోయిన్ శృతిసోది ఓ స్పెషల్ సాంగ్ లో నటించింది. ఈ సినిమాను మే 5న గ్రాండ్ గా విడుదల చేస్తున్నారు.

అయితే విడుదల రోజుకు ఒకరోజు ముందుగానే ‘సుప్రీమ్’ చిత్రాన్ని మెగాస్టార్ చిరంజీవి కోసం ప్రత్యేక షో వేసారు. చిరంజీవి ఈ సినిమాను చూసి తన మేనల్లుడు సాయిధరమ్ తేజ్ ను మెచ్చుకున్నారు. అలాగే చిత్ర యూనిట్ కు చిరు శుభాకాంక్షలు తెలియజేసారు. సినిమా ఆద్యంతం బాగా అలరించిందని, అలాగే ‘అందం హిందోళం’ పాట రీమిక్స్ బాగా నచ్చిందని చిరు తెలిపినట్లుగా సమాచారం.

కమర్షియల్ లవ్, రొమాంటిక్ యాక్షన్ ఎంటర్ టైనర్ గా రూపొందిన ఈ సినిమా నేడు ప్రేక్షకుల ముందుకొచ్చింది. మరికొద్ది గంటల్లో ఈ సినిమా ఎలా వుండబోతుందో తెలియనుంది. మరి ‘సుప్రీమ్’ ఎలాంటి సక్సెస్ ను అందుకుంటుందో చూడాలి.