సూర్య ‘24’ రన్ టైం ఫిక్స్

Posted: 05/04/2016 09:44 AM IST

‘మనం’ సినిమా తర్వాత దర్శకుడు విక్రమ్.కె.కుమార్ దర్శకత్వంలో రూపొందిన తాజా చిత్రం ‘24’. సూర్య, సమంత, నిత్యామీనన్ ప్రధాన పాత్రలలో నటించిన ఈ చిత్రాన్ని స్టూడియో గ్రీన్ అధినేత కె.ఇ.జ్ఞానవేల్ రాజా సమర్పణలో గ్లోబర్ సినిమాస్, 2డి ఎంటర్ టైన్ మెంట్స్, శ్రేష్ట్ మూవీస్ కలయికలో రూపొందుతోంది. సూర్య నిర్మించిన ఈ చిత్రానికి ఏ.ఆర్.రెహమాన్ సంగీతం అందించాడు.

ఇటీవలే విడుదలైన పాటలు, ట్రైలర్లకు మంచి రెస్పాన్స్ వచ్చింది. తమిళంతో పాటు తెలుగులో కూడా ఈ సినిమాను ప్రపంచ వ్యాప్తంగా విడుదల చేయనున్నారు. మే 6వ తేదిన ప్రపంచ వ్యాప్తంగా యుఎస్ లో దాదాపు 225 స్ర్కీన్లలో ప్రదర్శించనున్నారు. సైన్స్ ఫిక్షన్ నేపథ్యంలో రూపొందిన ఈ సినిమాను దాదాపు 75 కోట్ల భారీ బడ్జెట్ తో నిర్మించారు.

ఇక ఈ సినిమా రన్ టైం 2 గంటల 44 నిమిషాలు వుందని తెలుస్తోంది. సైన్స్ ఫిక్షన్ కథాంశం కావడం వల్ల నిడివి కాస్త ఎక్కువగా వున్నట్లుగా తెలుస్తోంది. ఈ సినిమాలో సూర్య, నిత్యామీనన్, సమంతల నటన హైలెట్ గా నిలవనున్నాయి. సూర్య పలు విభిన్న పాత్రలలో నటించిన ఇరగదీసాడని సమాచారం. ఈ సినిమాపై భారీ అంచనాలే నెలకొన్నాయి.