బాహుబలి2 లో ఎన్టీఆర్ పేరు..

Posted: 04/30/2016 03:08 PM IST

తెలుగు, తమిళ్ తో పాటుగా హిందీ భాషల్లో విడుదలై ఇండియన్ సినిమా చరిత్రలో ఓ కొత్త పేజీని లిఖించుకున్న బాహుబలి గురించి తెలియని వాళ్లు లేరు. బాహుబలి సినిమాను రెండు పార్టులుగా తీస్తున్న విషయం తెలిసిందే. ఇక ఈ సినిమా రెండో పార్ట్ లో ఎన్టీఆర్ నటిస్తున్నట్లు గతకొంత కాలంగా వార్తలు వచ్చాయి. అయితే అవి గాలి వార్తలు అని చాలా మంది కొట్టేసినా... రాజమౌళి మాత్రం అది నిజమే అంటున్నారు. తనకు ఎంతో ఆప్తమిత్రుడైన ఎన్టీఆర్ కు బాహుబలి 2లో ఓ స్పెషల్ క్యారెక్టర్ ఇస్తున్నట్లు తేలిపోయింది. ఇదే క్యారెక్టర్ ను తమిళ్ లో సూర్య చేస్తున్నట్లు తెలిసింది.

బాహుబలి కన్నా కూడా ఎంతో అద్భుతంగా బాహుబలి2ను తెరకెక్కిస్తున్నారు రాజమౌళి. ఈ సినిమాలో స్వయంగా నటిస్తానని సూర్య గతంలోనే వెళ్లడించారు. కాగా తాజాగా తెలుగులో ఎన్టీఆర్ చేస్తున్న క్యారెక్టర్ పేరు కూడా బయటకు వచ్చేసింది. జయదేవ్ రాణాగా ఎన్టీఆర్ బాహుబలి2లో కనిపించనున్నారట. రాజమౌళి, ఎన్టీఆర్ ల మధ్య ఉన్న ఫ్రెండ్ షిప్ కారణంగానే ఈ సినిమాలో ఎన్టీఆర్ కు అవకాశం లభించింది అని అందరికి తెలసిందే. కాగా ఎన్టీఆర్ అభిమానులు మాత్రం దీనిపై తెగ ఆనందపడుతున్నారు.