చిరంజీవి సినిమాకు ఆ హీరోయిన్..? ఓకే చేసిన చరణ్..?

Posted: 04/30/2016 10:04 AM IST

మెగాస్టార్ చిరంజీవి 150వ సినిమా నిన్న లాంఛనంగా పూజాకార్యక్రమాన్ని పూర్తి చేసుకుంది. మెగా ఫ్యామిలీ మొత్తం ఈ కార్యక్రమానికి హజరైంది. వివి వినాయక్ దర్శకత్వంలో తమిళ్ లో సూపర్ హిట్ సినిమా కత్తిని తెలుగులో మెగా స్టార్ తో రీమేక్ చేయిస్తున్నారు. జూన్ నెలలో ఈ సినిమా సెట్స్ మీదకు వెళ్లనున్నట్లు సమాచారం. కాగా ఈ సినిమాలొ చిరంజీవి సరసన ఎవరు నటిస్తారు అన్నదాని మీద ప్రస్తుతానికి ఎలాంటి క్లారిటీ లేదు. కానీ తాజాగా చరణ్ ఓ హీరోయిన్ ను ఓకే చేసినట్లు వార్తలు వస్తున్నాయి.

గతంలో రాంచరణ్ తో కలిసి నటించిన హీరోయిన్ కు ఓకే చెప్పినట్లు తెలుస్తోంది. కొణిదెల ప్రొడక్షన్ కంపెనీ నిర్మాణ సారధ్యంలో వస్తున్న ఈ సినిమాకు రాంచరణ్ నిర్మాతగా వ్యవహరించనున్నారు. ఎంతో ప్రతిష్టాత్మకంగా చేపడుతున్న ఈ సినిమాలో చిరంజీవి సరసన మిల్కీ బ్యూటీ తమన్నాను తీసుకోనున్నట్లు సమాచారం. చిరంజీవితో పాటు స్టెప్పులెయగల, సత్తా ఉన్న హీరోయిన్ గా తమన్నా బాగా సూట్ అవుతుందని రాంచరణ్ భావిస్తున్నట్లు తెలుస్తోంది.