నందిత పెళ్లంట.. నారా రోహిత్ సావిత్రి టీజర్ అదిరింది

Posted: 02/13/2016 10:06 AM IST

నారా రోహిత్, నందిత జంటగా నటిస్తున్న తాజా చిత్రం ‘సావిత్రి’. ‘ప్రేమ ఇష్క్ కాదల్’ సినిమాతో దర్శకుడిగా మంచి పేరును సొంతం చేసుకున్న దర్శకుడు పవన్ సాధినేని దర్శకత్వంలో తెరకెక్కనున్న ఈ చిత్రాన్ని విజన్ ఫిల్మ్ మేకర్స్ బ్యానర్ పై బి.రాజేంద్ర ప్రసాద్ నిర్మిస్తున్నాడు.

ఇటీవలే విడుదలైన ఫస్ట్ లుక్ పోస్టర్ కు మంచి రెస్పాన్స్ వచ్చింది. అయితే తాజాగా వాలెంటైన్స్ డే కానుకగా ఈ చిత్ర ఫస్ట్ లుక్ టీజర్ ను విడుదల చేసారు. టీజర్ చూస్తుంటే లవ్, ఫ్యామిలీ, యాక్షన్ ఎంటర్ టైనర్ గా ఈ సినిమా రూపొందుతున్నట్లుగా కనిపిస్తుంది. ప్రస్తుతం ఈ చిత్ర షూటింగ్ శరవేగంగా జరుగుతుంది.

idlebrainlive

ఈ సినిమా అన్ని కార్యక్రమాలను పూర్తి చేసుకొని, వేసవి సెలవుల్లో ప్రేక్షకుల ముందుకు రానుంది. ఇక ‘సావిత్రి’ కాకుండా నారా రోహిత్ ‘అప్పట్లో ఒకడుండేవాడు’, ‘తుంటరి’, ‘పండగలా వచ్చాడు’ వంటి వరుస చిత్రాలతో బిజీగా వున్నాడు. త్వరలోనే ఈ చిత్రాలు కూడా ప్రేక్షకుల ముందుకు రానున్నాయి.