అదరగొడుతున్న ప్రియాంక... ‘జై గంగాజల్’ కొత్త ట్రైలర్

Posted: 02/12/2016 04:31 PM IST

Priyanka chopra jai gangaajal official trailer2

‘మేరికోమ్’, ‘బాజీరావ్ మస్తానీ’ వంటి హిట్ చిత్రాల తర్వాత బాలీవుడ్ స్టార్ హీరోయిన్ ప్రియాంక చోప్రా నటిస్తున్న తాజా చిత్రం ‘జై గంగాజల్’. ప్రముఖ దర్శకుడు ప్రకాష్ జా దర్శకత్వంలో తెరకెక్కుతుంది. ఇందులో ప్రియాంక చోప్రా పవర్ ఫుల్ ఐపిఎస్ ఆఫీసర్ పాత్రలో నటిస్తుంది.

ఇప్పటికే విడుదలైన ఫస్ట్ లుక్ పోస్టర్లు, ట్రైలర్లకు మంచి రెస్పాన్స్ వచ్చింది. అయితే తాజాగా మరో ట్రైలర్ ను విడుదల చేసారు. ఇందులో ప్రియాంక చోప్రా అదరగొట్టేస్తోంది. ఓ ఉత్తరాది రాష్ట్రంలో క్రిమినల్ గ్యాంగులు, పొలిటికల్ లీడర్లు చేసే అక్రమాలను అడ్డుకొని, వారిని అంతం చేసే ఓ మహిళా పోలీస్ ఆఫీస్ కథే ఇది.

ప్రకాష్ జా ప్రొడక్షన్స్ మరియు ప్లే ఎంటర్ టైన్మెంట్స్ ప్రొడక్షన్ సంయుక్తంగా నిర్మిస్తున్న ఈ చిత్రాన్ని వచ్చే ఏడాది మార్చి 4వ తేదిన ప్రపంచ వ్యాప్తంగా విడుదల చేయడానికి సన్నాహాలు చేస్తున్నారు.