శ్రీజ పెళ్లి పనుల్లో మెగాస్టార్ సందడి

Posted: 02/12/2016 10:48 AM IST

మెగాస్టార్ చిరంజీవి ఇంట్లో పెళ్లి ఏర్పాట్లు చాలా గ్రాండ్ గా జరుగుతున్నాయి. ఈ వేడుకలో అన్ని కార్యక్రమాలను చిరంజీవి దగ్గరుండీ మరీ చూసుకుంటున్నాడు. ఇప్పటికే చిరంజీవి ఇంట్లో కుటుంబ సభ్యులు, బంధుమిత్రులతో చాలా సందడి వాతావరణం నెలకొంది.

పెళ్లికి సంబంధించిన కార్యక్రమాలు జరుగుతున్నాయి. చిరంజీవి తన చిన్న కూతురు శ్రీజను చిత్తూరుకు చెందిన ఓ వ్యక్తితో పెళ్లి జరుగనుంది. అలాగే రేపు సాయంత్రం వరకే మెగా ఫ్యామిలీకి చెందిన నాగబాబు, రాంచరణ్, బన్నీ, సాయిధరమ్ తేజ, వరుణ్ తేజలు తమ సినిమా షూటింగ్ లకు బ్రేక్ చెప్పి.. పూర్తిగా ఈ పెళ్లి సందడిలో పాల్గొననున్నట్లుగా తెలుస్తోంది.

అయితే ఈ పెళ్లి వేడుకలో చిరంజీవి కుడిచేయికి ఏదో కట్టుకట్టడం వల్ల కాస్త వెలితిగా కనిపిస్తుంది. ఇక ఈ పెళ్లి వేడుకలో పవన్ కళ్యాణ్ పాల్గొంటాడా లేక నేరుగా పెళ్లి మండపంలోనే కలుస్తాడా అనే విషయం త్వరలోనే తెలియనుంది. ఈ వేడుకకు సౌత్ సినీ ఇండస్ట్రీకి చెందిన అతిరథ మహారథులు, ప్రముఖులు, రాజకీయ నాయకులు, హిందీ సినీ తారలు విచ్చేయనున్నట్లుగా తెలిసింది.