త్రివిక్రమ్ ‘అఆ’ విడుదల తేది ఖరారు

Posted: 02/06/2016 11:09 AM IST

Trivikram a aa movie release date confirmed

మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కుతున్న తాజా చిత్రం ‘అ ఆ’. అనసూయ రామలింగం’ వర్సెస్ ‘ఆనంద్ విహారి’ అన్నది ఉప శీర్షిక. నితిన్, సమంత, అనుపమ పరమేశ్వరన్ (మలయాళ చిత్రం ‘ప్రేమమ్’ ఫేం) హీరోహీరోయిన్లుగా నటిస్తున్న ఈ చిత్రాన్ని హారిక అండ్ హాసిని క్రియేషన్స్ బ్యానర్ పై నిర్మాత రాధాకృష్ణ నిర్మిస్తున్నారు.

ప్రస్తుతం ఈ చిత్ర షూటింగ్ శరవేగంగా జరుగుతోంది. సినిమా షూటింగ్ మొత్తం పూర్తికాకముందే రిలీజ్ డేట్ ను చిత్ర యూనిట్ అనౌన్స్ చేసింది. ఈ చిత్రాన్ని ఏప్రిల్ 22న విడుదల చేయనున్నారు. ఇక ఈ సినిమాకు సంగీత దర్శకుడిగా ముందు అనిరుధ్ ను అనుకున్నప్పటికీ.. కొన్ని అనివార్య కారణాల వల్ల ఈ ప్రాజెక్టు నుంచి అనిరుధ్ తప్పుకున్నాడు. మరి ఈ సినిమాకు ఎవరు సంగీతం అందించనున్నారో మరికొద్ది రోజుల్లోనే అధికారికంగా ప్రకటించనున్నారు.

ఇప్పటికే విడుదలైన ఫస్ట్ లుక్ పోస్టర్, టైటిల్ లోగోకు మంచి రెస్పాన్స్ వచ్చింది. లవ్, రొమాంటిక్, ఫ్యామిలీ ఎంటర్ టైనర్ గా రూపొందుతోంది మరి ఈ సినిమా ఎలాంటి విజయం సాధించనుందో త్వరలోనే తెలియనుంది.