‘బెంగాల్ టైగర్’ ట్రిపుల్ ప్లాటినం డిస్క్ ఫంక్షన్

Posted: 12/01/2015 09:47 AM IST

Raviteja bengal tiger triple platinum disc function

మాస్ మహారాజ రవితేజ హీరోగా తమన్నా, రాశిఖన్నా హీరోయిన్లుగా నటించిన తాజా చిత్రం ‘బెంగాల్ టైగర్’. శ్రీ సత్యసాయి ఆర్ట్స్ బ్యానర్ పై కె.రాధామోహ‌న్ నిర్మించిన ఈ చిత్రానికి సంపత్ నంది దర్శకత్వం వహించారు. సంగీత దర్శకుడు భీమ్స్ అదిరిపోయే పాటలను అందించాడు. ఇటీవలే విడుదలైన ఈ ఆడియోకు భారీ రెస్పాన్స్ వస్తోంది.

ఆడియో భారీ విజయం సాధించడంతో ఈ చిత్ర ప్లాటినమ్ డిస్క్ వేడుకను నిన్న హైదరాబాద్ లోని తాజ్ దక్కన్ లో నిర్వహించారు. ఈ కార్యక్రమానికి చిత్ర నటీనటులు, సాంకేతికనిపుణులు హాజరయ్యారు. నిన్న రాశిఖన్నా పుట్టినరోజు కాబట్టి.. ఈ వేడుకపైనే రాశిఖన్నాతో బర్త్ డే కేక్ కట్ చేయించారు. ఈ వేడుకకు హాజరయిన వారంతా కూడా సినిమా మంచి విజయం సాధించాలని కోరారు.

లవ్, రొమాంటిక్ యాక్షన్ ఎంటర్ టైనర్ గా రూపొందుతున్న ఈ సినిమాపై భారీ అంచనాలే నెలకొన్నాయి. ఇప్పటికే విడుదలైన పాటలు, ట్రైలర్లకు భారీ రెస్పాన్స్ వస్తోంది. ఈ సినిమాను ప్రపంచ వ్యాప్తంగా డిసెంబర్ 10న గ్రాండ్ గా విడుదల చేయనున్నారు.