వరుణ్-వితికాల నిశ్చితార్థం తేది ఖరారు

Posted: 12/01/2015 09:43 AM IST

Varun sandesh vitika sheru engagement on 7 december

టాలీవుడ్ హీరో వరుణ్ సందేశ్ తన బ్రహ్మచారి జీవితానికి ఫుల్ స్టాప్ పెట్టేసి, ఓ ఇంటివాడు కాబోతున్నాడు. ‘హ్యాపీడేస్’, ‘కొత్తబంగారులోకం’ సినిమాలతో భారీ క్రేజ్ ను సొంతం చేసుకున్నాడు వరుణ్ సందేశ్. ఇప్పటి వరకు రొమాంటిక్ లవ్ ఎంటర్ టైనర్ సినిమాల్లో నటించి రొమాంటిక్ బాయ్ గా పేరు తెచ్చుకున్నాడు.

వరుణ్ సందేశ్ నటించిన ‘పడ్డానండి ప్రేమలో మరి’ సినిమా హీరోయిన్ వితికా శేరుతో నిజజీవితంలోనే ప్రేమలో పడ్డాడు. ఈ సినిమా షూటింగ్ సమయంలో వీరిద్దరూ ప్రేమలో పడ్డారు. ఆ తర్వాత వీరి ప్రేమ వ్యవహారంపై మీడియాలో వార్తలు రావడం, ఆ తర్వాత ఈ విషయం ఇరు కుటుంబ సభ్యులకు తెలిసి, గ్రీన్ సిగ్నల్ ఇచ్చేయడం అన్ని జరిగిపోయాయి.

వీరిద్దరి ఎంగేజ్ మెంట్ డిసెంబర్ 7న జరుగనుంది. ఈ విషయాన్ని వరుణ్ సందేశ్ తన సోషల్ మీడియా అకౌంట్ ద్వారా తెలియజేసారు. మరి వీరి పెళ్లి తేదిని ఎంగేజ్ మెంట్ రోజునే ప్రకటిస్తారో లేక ఆ మరుసటి రోజు ప్రకటిస్తారో చూడాలి.

Varun-Sandesh-Vitika-Sheru-Engagement