లక్ష్మీతో సర్దార్ ఐటెం సాంగ్ అదరగొట్టేసాడు!

Posted: 10/08/2015 11:19 AM IST

Pawan kalyan sardaar gabbar singh item song shooting finished

పవర్ స్టార్ పవన్ కళ్యాణ్ నటించిన ‘గబ్బర్ సింగ్’ సినిమా ఎంతటి ఘనవిజయం సాధించిందో అందరికి తెలిసిందే. ఈ చిత్రానికి యువ సంగీత దర్శకుడు దేవిశ్రీప్రసాద్ అదిరిపోయే రాకింగ్ మ్యూజిక్ అందించాడు. ఈ సినిమా పవన్ కళ్యాణ్ ను మరోస్థాయికి తీసుకెళ్లింది. ఇందులోని ‘కెవ్వు కేక...’ పాటలో పవన్ కళ్యాణ్ తనదైన శైలిలో అదరగొట్టేసాడు.

అయితే ప్రస్తుతం ‘కెవ్వు కేక..’ ను మించిన మరో ఐటెం సాంగ్ లో పవన్ కళ్యాణ్ తనదైన స్టెప్పులతో అదరగొట్టేసాడు. ప్రస్తుతం పవన్ నటిస్తున్న తాజా చిత్రం ‘సర్దార్ గబ్బర్ సింగ్’. ‘పవర్’ ఫేం బాబీ దర్శకత్వంలో తెరకెక్కతున్న ఈ చిత్రాన్ని నార్తన్ స్టార్ ఎంటర్ టైన్మెంట్స్ బ్యానర్ పై ప్రముఖ నిర్మాత శరత్ మరార్ నిర్మిస్తున్నారు.

Video Courtesy: Sri Balaji Music

దేవిశ్రీప్రసాద్ సంగీతం అందిస్తున్న ఈ చిత్రంలోని ఓ హాట్ మాస్ మసాలా పాటను ఇటీవలే చిత్రీకరించారు. ఈ ఐటెం సాంగ్ లో రాయ్ లక్ష్మీ తన అందచందాలతో పిచ్చెక్కించేసిందట. భారీ అంచనాలతో రూపొందుతున్న ఈ చిత్రాన్ని దర్శకుడు బాబీ చాలా జాగ్రత్తగా తెరకెక్కిస్తున్నారు.

ఇప్పటికే విడుదలైన ఫస్ట్ లుక్ పోస్టర్లు, టీజర్లకు భారీ రెస్పాన్స్ వస్తోంది. హై వోల్టేజ్ యాక్షన్ ఎంటర్ టైనర్ గా రూపొందుతున్న ఈ చిత్రాన్ని వచ్చే సంవత్సరం సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు.