ప్రారంభమైన సాయి-రాశిల ‘సుప్రీం’

Posted: 10/07/2015 04:55 PM IST

‘సుబ్రమణ్యం ఫర్ సేల్’ తర్వాత సాయిధరమ్ తేజ హీరోగా ‘పటాస్’ ఫేం దర్శకుడు అనిల్ రావిపూడి దర్శకత్వంలో ఓ చిత్రం తెరకెక్కనుంది. ఈ చిత్రానికి ‘సుప్రీం’ అనే టైటిల్ ఖరారు చేసారు. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు నిర్మిస్తున్నారు.

ఇందులో సాయిధరమ్ తేజ సరసన రాశిఖన్నా హీరోయిన్ గా నటిస్తుంది. ప్రస్తుతం ఈ చిత్ర షూటింగ్ హైదరాబాద్ లోని రామోజీఫిల్మ్ సిటీలో జరుగుతోంది. ఇందులో సాయిధరమ్ తేజ క్యాబ్ డ్రైవర్ గా, రాశిఖన్నా ఓ కాప్ పాత్రలో నటిస్తున్నారు. దిల్ రాజు, సాయిధరమ్ కాంబినేషన్లో వస్తున్న మూడవ చిత్రమిది.

ఇప్పటికే వీరిద్దరి కాంబినేషన్లో ‘పిల్లా నువ్వులేని జీవితం’, ‘సుబ్రమణ్యం ఫర్ సేల్’ వంటి హిట్ చిత్రాలొచ్చాయి. మరి ఈ ‘సుప్రీం’ సినిమా ఎలాంటి విజయం సాధించనుందో త్వరలోనే తెలియనుంది. ఈ చిత్రానికి సంబంధించిన అన్ని వివరాలు అధికారికంగా ప్రకటించనున్నారు.