దసరా కానుకగా ‘డిక్టేటర్’ ఫస్ట్ లుక్ టీజర్

Posted: 10/03/2015 04:39 PM IST

Balakrishna dictator first look teaser release date

నందమూరి బాలకృష్ణ నటిస్తున్న ‘డిక్టేటర్’ చిత్ర ఫస్ట్ లుక్ పోస్టర్ ఇటీవలే వినాయకచవితి సంధర్భంగా విడుదలైన విషయం తెలిసిందే. అలాగే వినాయక చవితి సందర్భంగా ఈ చిత్రంలోని ‘గణేషా..’ అనే పాటను కూడా విడుదల చేసారు. ఈ పాటకు మంచి రెస్పాన్స్ వస్తోంది.

ప్రముఖ దర్శకుడు శ్రీవాస్ దర్శకత్వంలో తెరకెక్కుతున్న ఈ చిత్రాన్ని భారీ బడ్జెట్ చిత్రాల నిర్మాణ సంస్థ ఈరోస్ ఇంటర్నేషనల్ బ్యానర్ మరియు వేదాశ్వ క్రియేషన్స్ సంస్థ సంయుక్తంగా నిర్మిస్తున్నారు. ప్రస్తుతం ఈ చిత్ర షూటింగ్ హైదరాబాద్ లో శరవేగంగా జరుగుతోంది.

అయితే ఈ దసరాకు కానుకగా మరోసారి నందమూరి అభిమానులకు బాలయ్య తన ‘డిక్టేటర్’ టీజర్ తో అభిమానులకు డబుల్ ధమాకా ఇవ్వడానికి సిద్ధమయ్యారు. ఈ చిత్ర టీజర్ ను దసరా కానుకగా అక్టోబర్ 21వ తేదీ అర్ధరాత్రికి విడుదల చేయనున్నారు.

బాలకృష్ణ సరసన అంజలి, సొనాల్ చౌహాన్ లు హీరోయిన్లుగా నటిస్తున్నారు. భారీ అంచనాలతో రూపొందుతున్న ఈ చిత్రానికి కథ, స్ర్కీన్ ప్లే ను ప్రముఖ రచయితలు కోన వెంకట్, గోపి మోహన్ లు అందిస్తున్నారు. తొలిసారిగా బాలయ్య చిత్రానికి థమన్ సంగీతం అందిస్తున్నాడు. త్వరలోనే ‘డిక్టేటర్’ ప్రేక్షకుల ముందుకు రానున్నాడు.