సెప్టెంబర్ 15 నుంచి వెంకీ, నయనతారల సినిమా

Posted: 09/04/2015 12:32 PM IST

Venkatesh nayanthara movie latest updates

‘గోపాల గోపాల’ తర్వాత విక్టరీ వెంకటేష్ మరో సినిమాను ప్రారంభించలేదు. గతకొద్ది కాలంగా సరైన కథ కోసం ఎదురుచూస్తున్న వెంకటేష్ కు క్రాంతి మాధవ్ చెప్పిన కథ నచ్చడంతో ఇటీవలే గ్రీన్ సిగ్నల్ ఇచ్చేసాడు. ఇప్పటికే ఈ ప్రాజెక్టుకు సంబంధించిన ప్రీ ప్రొడక్షన్ కార్యక్రమాలు చివరి దశకు చేరుకున్నాయి.

‘మళ్లీ మళ్లీ ఇదిరాని రోజు’ చిత్రంతో భారీ హిట్టును సొంతం చేసుకున్న క్రాంతి మాధవ్ మరో విభిన్న కథాంశంతో ప్రేక్షకుల ముందుకు రాబోతున్నాడు. ఈ చిత్రాన్ని యువ నిర్మాత పరుచూరి ప్రసాద్ నిర్మించనున్నాడు. ఇందులో వెంకటేష్ సరసన నయనతార హీరోయిన్ గా నటించనుంది. ఈ చిత్రానికి ‘సంతోషమే సగం బలం’ అనే టైటిల్ ను పరిశీలిస్తున్నారు.

ఈ ప్రాజెక్టు ఈనెల 15వ తేదిన ప్రారంభం కానుంది. గోపి సుందర్ సంగీతం, విఎస్ జ్ఞానశేఖర్ సినిమాటోగ్రఫిని అందించనున్నాడు. త్వరలోనే అన్ని వివరాలు అధికారికంగా ప్రకటించనున్నారు.