స్వచ్ఛభారత్ తెలంగాణ బ్రాండ్ అంబాసిడర్ గా మంచు లక్ష్మి

Posted: 09/04/2015 12:29 PM IST

భారత ప్రధాన మంత్రి చేపట్టిన ‘స్వచ్ఛ భారత్’ గతకొద్ది రోజుల వరకు దేశ వ్యాప్తంగా అందరూ కూడా ఈ కార్యక్రమంలో పాల్గొన్నారు. కానీ ఆ తర్వాత ‘స్వచ్ఛ భారత్’ గురించి పట్టించుకునే వారే కరువయ్యారు. అయితే ఇందులో భాగంగా ‘స్వఛ్ఛ భారత్’ కార్యక్రమాన్ని దేశ వ్యాప్తంగా కొనసాగించాలని భారత ప్రభుత్వం నిర్ణయం తీసుకుంది.

ఇందులో భాగంగా  ఈ స్వచ్ఛ భారత్ మిష‌న్ కార్యక్రమానికి తెలంగాణ రాష్ట్ర బ్రాండ్ అంబాసిడ‌ర్ గా సినీ న‌టి, ప్రముఖ నిర్మాత ల‌క్ష్మి మంచు ఎంపికయింది. ఈనెల 10వ తేదిన రాష్ట్రపతి భవన్ లో పలువురు ప్రముఖులు సమక్షంలో మంచు లక్ష్మిని రాష్ట్రపతి గౌరవించనున్నారు.

అయితే ఈ విషయంపై మంచు లక్ష్మి స్పందిస్తూ... తెలంగాణ రాష్ట్ర స్వచ్ఛ భారత్ మిషన్ కు బ్రాండ్ అంబాసిడర్ గా నన్ను ఎంపిక చేయడం మరింత బాధ్యతను పెంచింది. ఇప్పటికే నా స్థాయి వరకు నేను ఎన్నో కార్యక్రమాలు చేసారు. ఈ బ్రాండ్ అంబాసిడర్ వల్ల మరింత భాధ్యత పెరిగింది. ఈనెల 10వ తేదిన ఢిల్లీలోని రాష్ట్రపతి కార్యాలయంలో రాష్ట్రపతి చేతుల మీదుగా ఈ గౌరవాన్ని అందుకోవడం చాలా అదృష్టంగా భావిస్తున్నాను. తెలంగాణ రాష్ట్రాన్ని స్వచ్ఛ తెలంగాణగా మార్చడానికి నా వంతు సహాయ సహకారాలు అందిస్తానని చెప్పుకొచ్చారు.