లాంఛనంగా సంపూ కొబ్బరిమట్ట ప్రారంభం

Posted: 09/01/2015 10:04 AM IST

‘హృదయ కాలేయం’, ‘సింగం123’ చిత్రాలతో ఆకట్టుకున్న బర్నింగ్ స్టార్ సంపూర్ణేష్ బాబు నటిస్తున్న తాజా చిత్రం ‘కొబ్బరిమట్ట’. దర్శకుడు స్టీవెన్ శంకర్ దర్శకత్వంలో తెరకెక్కుతున్న ఈ చిత్రంలో సంపూ మూడు విభిన్న గెటప్ లతో కనిపించనున్నాడు. మూడు విభిన్న పాత్రలలో అలరించబోతున్నాడు.

ఈ సినిమాను ప్రముఖ దర్శకుడు మారుతి గుడ్ సినిమా గ్రూప్ పై సమర్పిస్తున్నారు. ఈ చిత్రం నిన్న హైదరాబాద్ లో లాంఛనంగా ముహూర్తం కార్యక్రమాలతో ప్రారంభమయ్యింది. ఈ కార్యక్రమానికి దర్శకరత్న దాసరి నారాయణ రావు ముఖ్య అతిథిగా విచ్చేసి, చిత్ర యూనిట్ కు శుభాకాంక్షలు తెలియజేసారు.

ఈ సినిమాలో సంపూ సరసన గాయత్రీ గుప్తా, గీతాంజలి, ఇషిక, శ్రీ సుధలు హీరోయిన్లుగా నటిస్తున్నారు. ఇప్పటికే విడుదలైన ఈ చిత్ర ఫస్ట్ లుక్ పోస్టర్లకు మంచి రెస్పాన్స్ వచ్చింది. తాజాగా విడుదలైన పోస్టర్లకు మంచి రెస్పాన్స్ వస్తోంది.