సెల్వాందన్ ప్రమోషన్స్ లో మహేష్ బిజీ

Posted: 08/05/2015 10:55 AM IST

Mahesh busy in selvandhan film promotions

కొరటాల శివ దర్శకత్వంలో టాలీవుడ్ ప్రిన్స్ మహేష్ బాబు, స్టార్ హీరోయిన్ శృతిహాసన్ జంటగా నటించిన తాజా చిత్రం ‘శ్రీమంతుడు’. ఈ చిత్రాన్ని మైత్రి మూవీమేకర్స్‌, ఎం.బి. ఎంటర్‌టైన్‌మెంట్‌ ప్రై.లి. బ్యానర్స్‌పై నిర్మాతలు నవీన్‌ యెర్నేని, వై. రవిశంకర్‌, మోహన్‌ సంయుక్తంగా నిర్మించారు.

ఈ చిత్ర ప్రమోషన్ కార్యక్రమాలు భారీగా జరుగుతున్నాయి. మహేష్, శృతిహాసన్, కొరటాల శివ ఈ ప్రమోషన్ కార్యక్రమాల్లో పాల్గొంటున్నారు. పలు మీడియా ఛానెల్లకు ఇంటర్వ్యూలు ఇచ్చారు. అయితే ‘శ్రీమంతుడు’ చిత్రాన్ని తమిళంలో ‘సెల్వాందన్’ పేరుతో విడుదల చేస్తున్నారు. తమిళంలో ఈ చిత్ర ప్రమోషన్స్ కోసం మహేష్ నిన్న చెన్నైకు చేరుకున్నాడు.

నిన్న ఈ చిత్ర ఆడియో విడుదల కార్యక్రమం ఘనంగా జరిగింది. ప్రస్తుతం ‘సెల్వాందన్’ చిత్ర ప్రమోషన్ కార్యక్రమాల్లో మహేష్ పాల్గొంటున్నారు. ఈ చిత్రాన్ని ప్రపంచ వ్యాప్తంగా ఆగష్టు 7వ తేదిన గ్రాండ్ గా విడుదల చేయనున్నారు.