సూపర్ స్టార్ తో రాధిక రొమాన్స్ కన్ఫర్మ్

Posted: 08/04/2015 12:30 PM IST

Actress radhika apte confirmed in rajinikanth kaali film

తమిళ సూపర్ స్టార్ రజినీకాంత్ హీరోగా ప్రముఖ దర్శకుడు రంజిత్ దర్శకత్వంలో ఓ చిత్రం తెరకెక్కనున్న విషయం తెలిసిందే. ఓ గ్యాంగ్ స్టర్ డాన్ పాత్రలో రజనీకాంత్ నటించబోతున్నాడని తెలిసింది. ఈ చిత్రానికి సంబంధించి ఇటీవలే రజనీకాంత్ పై ఓ ఫోటోషూట్ కార్యక్రమం కూడా జరిపారని తెలిసింది.

అయితే ఇందులో రజనీ సరసన హీరోయిన్ గా బాలీవుడ్ సెక్సీ భామ రాధిక ఆప్టే ను ఎంపిక చేసుకున్నట్లుగా గతకొద్ది రోజులుగా వార్తలొస్తున్న విషయం తెలిసిందే. అయితే ఈ వార్తలను రాధిక ఆప్టే నిజం చేసింది. ఈ సినిమాలో తాను నటించబోతున్నట్లుగా తాజాగా రాధిక ఆప్టే ప్రకటించింది.

ఈ సినిమా గురించి రాధిక ఆప్టే స్పందిస్తూ... ఈ సినిమా కథతో పాటు నా పాత్ర కూడా చాలా కీలకం. కానీ తమిళం నేర్చుకోవడం, మాట్లాడటం నాకు పెద్ద సవాల్ గా మారిందని తెలిపింది. ప్రస్తుతం ఈ సినిమాలో అవకాశం వచ్చినందుకు చాలా సంతోషంగా వుంది. నా దృష్టిలో రజనీకాంత్ కంటే పెద్ద స్టార్ ఎవరూ ఉండరు. ఈ సినిమాలోని తన పాత్రను దర్శకుడు కేవలం పాటలు, డాన్సులకు మాత్రమే పరిమితం కాకుండా విభిన్నంగా తీర్చిదిద్దుతాడని భావిస్తున్నాను అంటూ చెప్పుకొచ్చింది.

భారీ అంచనాలతో రూపొందుతున్న ఈ చిత్రాన్ని ఈనెల 21వ తేదిన చెన్నైలో ప్రారంభం కానుంది. ఈ చిత్రానికి ‘కాళీ’ అనే టైటిల్ ను ఖరారు చేసినట్లుగా తెలిసింది. త్వరలోనే ఈ చిత్ర వివరాలను అధికారికంగా ప్రకటించనున్నారు.