పద్మశ్రీని తిరిగి దక్కించుకున్న మోహన్ బాబు

Posted: 08/03/2015 03:47 PM IST

ప్రముఖ తెలుగు నటుడు, నిర్మాత మంచు మోహన్ బాబుకు పద్మశ్రీ అవార్డు లభించిన విషయం తెలిసిందే. అయితే మోహన్ బాబు తన పద్మశ్రీ పురస్కారాన్ని దుర్వినియోగం చేస్తున్నాడని గతంలో హైకోర్టులో పిటిషిన్ దాఖలు అయ్యింది.

ఓ సినిమాల్లో ఆయన తన పేరుకు ముందు ఈ పద్మశ్రీ ని వాడుకున్నట్లుగా అప్పట్లో పెద్ద ధూమరమే రేగింది. దీంతో మోహన్ బాబును పద్మశ్రీ తిరిగి వెనక్కి ఇచ్చేయాలంటూ కోర్టు ఉత్తర్వులు జారీ చేసింది. కానీ ఈ విషయంపై మోహన్ బాబు సుప్రీంకోర్టులో పిటీషన్ వేసారు.

తాజాగా మోహన్ బాబుకు సుప్రీంకోర్టులో ఊరట లభించింది. పద్మశ్రీ పురస్కారాన్ని దుర్వినియోగం చేయనంటూ ఆయన సుప్రీంకోర్టులో అఫిడవిట్ దాఖలు చేసారు. దీంతో తాజాగా సుప్రీంకోర్టు తీర్పును తెలియజేస్తూ... మోహన్ బాబు పద్మశ్రీని కొనసాగించుకోవచ్చునని తీర్పునిచ్చింది.