పాయుం పులి ట్రైలర్ కు భారీ స్పందన

Posted: 08/03/2015 12:03 PM IST

వరుస హిట్ చిత్రాలతో దూసుకుపోతున్న తమిళ స్టార్ విశాల్ నటిస్తున్న తాజా చిత్రం ‘పాయుం పులి’. విశాల్ సరసన కాజల్ హీరోయిన్ గా నటిస్తుంది. ప్రముఖ దర్శకుడు సుశీంద్రన్ దర్శకత్వంలో తెరకెక్కుతున్న ఈ చిత్రాన్ని ఎస్. మదన్ నిర్మిస్తున్నారు.

తాజాగా ఈ చిత్ర ట్రైలర్ ను విడుదల చేసారు. ఈ ట్రైలర్ కు భారీ రెస్పాన్స్ వస్తుంది. పవర్ ఫుల్ పోలీస్ ఆఫీసర్ పాత్రలో విశాల్ నటిస్తున్నాడు. లవ్, మాస్, యాక్షన్ ఎంటర్ టైనర్ గా రూపొందతున్న ఈ చిత్రంపై భారీ అంచనాలే నెలకొన్నాయి.

డి. ఇమాన్ సంగీతం అందించిన పాటలు ఇటీవలే విడుదలై మంచి టాక్ ను సొంతం చేసుకున్నాయి. భారీ అంచనాలతో రూపొందుతున్న ఈ చిత్రం విశాల్ కు ఎలాంటి విజయాన్ని అందించనుందో చూడాలి. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.