సమంత కోసం బ్రూస్ లీ ఎదురుచూపులు?

Posted: 08/01/2015 04:40 PM IST

చుల్ బులీ భామ సమంత త్వరలోనే తమిళ సంగీత దర్శకుడు జివి ప్రకాశ్ కుమార్ తో జతకట్టనుందని వార్తలొస్తున్నాయి. జీవి హీరోగా నటిస్తున్న తాజా చిత్రం ‘బ్రూస్ లీ’. ఇటీవలే ఈ చిత్ర ఫస్ట్ లుక్ పోస్టర్ ను విడుదల చేసారు. ఈ పోస్టర్ కు భారీ రెస్పాన్స్ వస్తుంది. కెనన్య ఫిలింస్ బ్యానర్ పై సెల్వకుమార్.జె సమర్పణలో తెరకెక్కుతున్న ఈ చిత్రానికి ప్రముఖ దర్శకుడు ప్రశాంత్ పాండియరాజ్ దర్శకత్వం వహిస్తున్నాడు.

యాక్షన్ ఎంటర్ టైనర్ గా రూపొందనున్న ఈ చిత్రంలో సమంత నటించనుందని సమాచారం. ఈ సినిమా కోసం చిత్ర దర్శకనిర్మాతలు సమంతను సంప్రదిస్తున్నట్లుగా తెలిసింది. ఈ ప్రాజెక్టు పట్ల సమంత ఆసక్తి చూపుతున్నప్పటికీ, ఇంకా ఈ ప్రాజెక్టుకు సమంతకు గ్రీన్ సిగ్నల్ ఇవ్వలేదు. త్వరలోనే అన్ని వివరాలు అధికారికంగా ప్రకటించనున్నారు.

ప్రస్తుతం జివి నటించిన ‘త్రిష ఇల్లానా నయనతార’ చిత్రం విడుదలకు సిద్ధమవుతోంది. తెలుగులో ఈ చిత్రాన్ని ‘త్రిష లేదా నయనతార’ పేరుతో విడుదల చేయనున్నారు. ఈ చిత్రం మరికొద్ది రోజుల్లోనే తెలుగు, తమిళం భాషలలో విడుదల చేయనున్నారు.