సిని మహల్ చిత్ర ఫస్ట్ లుక్ విడుదల

Posted: 08/01/2015 04:12 PM IST

గాయకుడు ఫేం నటుడు సిద్ధాంశ్, రాహుల్, తేజస్వినీ హీరోహీరోయిన్లుగా నటిస్తున్న తాజా చిత్రం ‘సిని మహల్’. కళానిలయ క్రియేషన్స్ బ్యానర్ పై లక్ష్మణ్ వర్మ దర్శకత్వంలో తెరకెక్కుతున్న ఈ చిత్రాన్ని బి. రమేష్ నిర్మిస్తున్నారు.

ప్రస్తుతం చిత్ర షూటింగ్ పూర్తి చేసుకుని పోస్ట్ ప్రొడక్షన్ కార్యక్రమాలను జరుపుకుంటుంది. అయితే తాజాగా ఈ చిత్ర ఫస్ట్ లుక్ మోషన్ పోస్టర్ ను విడుదల చేసారు. ఈ కార్యక్రమం తాజాగా హైదరాబాద్ లోని ప్రసాద్ ల్యాబ్స్ లో జరిగింది. ప్రముఖ దర్శకుడు మారుతి ఈ పోస్టర్ ను విడుదల చేసారు.

ఆగష్టు నెల చివరి వారంలో ఆడియోను విడుదల చేసి, సెప్టెంబర్ నెలలో ఈ చిత్రాన్ని విడుదల చేయడానికి చిత్ర యూనిట్ సన్నాహాలు చేస్తున్నారు. త్వరలోనే మరిన్ని వివరాలను అధికారికంగా ప్రకటించనున్నారు.