తిక్క చూపిస్తానంటున్న సాయిధరమ్ తేజ

Posted: 07/31/2015 01:51 PM IST

‘పిల్లా నువ్వులేని జీవితం’ చిత్రం తర్వాత మెగాహీరో సాయిధరమ్ తేజ వరుస చిత్రాలతో బిజీగా వున్నాడు. ప్రస్తుతం హరీష్ శంకర్ దర్శకత్వంలో సాయిధరమ్ తేజ హీరోగా ‘సుబ్రమణ్యం ఫర్ సేల్’ చిత్రంలో నటిస్తున్నాడు. ఈ చిత్ర షూటింగ్ శరవేగంగా జరుగుతోంది. ఈ చిత్రాన్ని దిల్ రాజు నిర్మిస్తున్నారు. మిక్కీ జే మేయర్ సంగీతం అందిస్తున్నారు.

ఈ సినిమా తర్వాత సాయిధరమ్ తేజ హీరోగా అనిల్ రావిపూడి దర్శకత్వంలో ఓ చిత్రం చేయనున్నాడు. ఈ ప్రాజెక్ట్ త్వరలోనే సెట్స్ పైకి వెళ్లనుంది. అలాగే సాయిధరమ్ తేజ హీరోగా ‘ఓం’ చిత్ర దర్శకుడు సునీల్ రెడ్డి దర్శకత్వంలో ఓ చిత్రం తెరకెక్కనుంది. ఈ చిత్రానికి ‘తిక్క’ అనే టైటిల్ ను ఖరారు చేసారు.

ఈరోజు ఉదయం ఈ చిత్ర ముహూర్త కార్యక్రమాలు ఘనంగా జరిగాయి. తాజాగా ఈ చిత్ర టైటిల్ లోగోను విడుదల చేసారు. శ్రీ వెంకటేశ్వర మూవీ మేకర్స్ బ్యానర్ పై డా. సి. రోహిన్ రెడ్డి నిర్మిస్తున్న ఈ చిత్రానికి సునీల్ రెడ్డి దర్శకత్వం వహిస్తున్నాడు. థమన్ సంగీతం అందిస్తున్నాడు.