సర్దార్ గా ఎంట్రీ ఇచ్చేసిన పవర్ స్టార్

Posted: 07/29/2015 05:14 PM IST

‘గోపాల గోపాల’ తర్వాత పవర్ స్టార్ పవన్ కళ్యాణ్ హీరోగా ‘పవర్’ ఫేం బాబీ దర్శకత్వంలో ఓ చిత్రం తెరకెక్కుతున్న విషయం తెలిసిందే. ఈ చిత్రానికి ‘సర్దార్’ అనే టైటిల్ ఖరారు చేసారు. ప్రముఖ నిర్మాత శరత్ మరార్ ఈ చిత్రాన్ని నిర్మిస్తున్నారు. యంగ్ రాకింగ్ మ్యూజిక్ డైరెక్టర్ దేవిశ్రీప్రసాద్ సంగీతం అందిస్తున్నాడు.

ఇటీవలే షూటింగ్  ప్రారంభమయ్యింది. ప్రస్తుతం ఈ చిత్ర షూటింగ్ హైదరాబాద్ లోని ఓ అల్యుమినియం ఫ్యాక్టరీలో జరుగుతుంది. ఇందులో పవన్ కళ్యాణ్ మరియు కొంత మంది ఫైటర్స్ పై భారీ యాక్షన్ సన్నీవేశాలను చిత్రీకరిస్తున్నారు. షూటింగ్ శరవేగంగా జరుగనుంది.

ఇందులో ఇద్దరు హీరోయిన్లు నటించనున్నారని తెలిసింది. హై వోల్టేజ్ యాక్షన్ ఎంటర్ టైనర్ గా రూపొందుతున్న ఈ చిత్రం కోసం దేవిశ్రీప్రసాద్ అదిరిపోయే సంగీతాన్ని, బ్యాగ్రౌండ్ మ్యూజిక్ ను అందిస్తున్నారు. ఈ చిత్రాన్ని వచ్చే సంవత్సరం సంక్రాంతి కానుకగా విడుదల చేయడానికి చిత్ర యూనిట్ సన్నాహాలు చేస్తున్నారు.