త్వరలోనే శింబు హన్సికల వాలు విడుదల

Posted: 07/29/2015 03:13 PM IST

తమిళంలో శింబు, హన్సిక జంటగా నటించిన ‘వాలు’ చిత్రం గతకొద్ది రోజులుగా విడుదల కాకుండా వాయిదా పడుతున్న విషయం తెలిసిందే. ఈ చిత్రం ఇప్పటికే షూటింగ్ పూర్తి చేసుకొని విడుదలకు సిద్ధమయ్యింది. కానీ కొన్ని అనివార్త కారణాల వల్ల వాయిదా పడుతూ వస్తుంది.

జులై 17న ఈ చిత్రాన్ని విడుదల చేయాలని అనుకున్నారు. కానీ విడుదలకు పలు అడ్డంకులు ఏర్పడటంతో వాయిదా వేసారు. అయితే తాజాగా ఈ చిత్రాన్ని ఆగష్టు 14న విడుదల చేయడానికి చిత్ర యూనిట్ సన్నాహాలు చేస్తున్నారు.

ఇప్పటికే విడుదలైన పాటలు, ట్రైలర్లకు మంచి స్పందన వచ్చింది. యాక్షన్ లవ్ ఎంటర్ టైనర్ గా రూపొందిన ఈ చిత్రంపై శింబు చాలా ఆశలే పెట్టుకున్నాడు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.