జులై 30న రవితేజ కిక్2 యాప్ విడుదల

Posted: 07/29/2015 10:23 AM IST

Ravi teja kick 2 app launch release date

మాస్ మహారాజ రవితేజ, దర్శకుడు సురేందర్ రెడ్డి కాంబినేషన్లో ఇప్పటికే ‘కిక్’ వంటి బ్లాక్ బస్టర్ హిట్ చిత్రం వచ్చిన విషయం తెలిసిందే. ప్రస్తుతం ఈ చిత్రానికి సీక్వెల్ గా వీరి కలయికలో ‘కిక్2’ చిత్రం తెరకెక్కుతుంది. రవితేజ, రకూల్ ప్రీత్ సింగ్ హీరోహీరోయిన్లుగా సురేంధర్ రెడ్డి దర్శకత్వంలో తెరకెక్కుతున్న ఈ చిత్రాన్ని నందమూరి ఆర్ట్స్ బ్యానర్ పై హీరో నందమూరి కళ్యాణ్ రామ్ భారీ బడ్జెట్ తో నిర్మిస్తున్నారు.

థమన్ సంగీతం అందించిన పాటలు ఇప్పటికే విడుదలై మంచి హిట్ ను సాధించాయి. అలాగే ట్రైలర్లకు కూడా మంచి రెస్పాన్స్ వస్తోంది. ప్రస్తుతం ఈ చిత్ర పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.

విడుదలకు సిద్ధమవుతున్న ఈ చిత్రం కోసం తాజాగా ఓ స్పెషల్ మొబైల్ యాప్ ను రూపొందించారు. ఈ సినిమాకు సంబంధించిన ఫోటోలు, ట్రైలర్స్, పాటలు ... ఇలా అన్ని కూడా ఈ యాప్ ద్వారా డౌన్లోడ్ చేసుకోవచ్చు. ఈ యాప్ ను జులై 30వ తేదిన హైదరాబాద్ లోని ప్రముఖ రేడియో ఛానెల్ 91.1 FMలో దర్శకుడు సురేంధర్ రెడ్డి లాంఛ్ చేయనున్నాడు.