కళ్యాణ్ రామ్ షేర్ ఫోటో టీజర్ విడుదల

Posted: 07/06/2015 09:37 AM IST

‘పటాస్’ వంటి భారీ బ్లాక్ బస్టర్ హిట్ చిత్రం తర్వాత నందమూరి కళ్యాణ్ రామ్ హీరోగా నటిస్తున్న తాజా చిత్రం ‘షేర్’. సాయి నిహారిక, శరత్‌చంద్‌ సమర్పణలో మల్లికార్జున్‌ దర్శకత్వంలో కొమర వెంకటేష్‌ నిర్మిస్తున్నారు. ఇటీవలే ఈ చిత్ర షూటింగ్ పూర్తయ్యింది. ఇప్పటికే ఈ చిత్ర ఫస్ట్ లుక్ పోస్టర్ ను విడుదల చేసారు. అయితే తాజాగా కళ్యాణ్ రామ్ పుట్టినరోజు సంధర్భంగా మరికొన్ని పోస్టర్ లను విడుదల చేసారు.

అలాగే ఈ చిత్ర ఫోటో టీజర్ ను కూడా విడుదల చేసారు. ఇందులో కళ్యాణ్ రామ్ చాలా స్టైలిష్ గా కనిపిస్తున్నారు. చిత్ర దర్శకుడు మల్లికార్జున్ ఈ సినిమా విశేషాలు తెలియజేస్తూ... ‘‘మా ‘షేర్‌’ కళ్యాణ్‌ రామ్‌గారికి పుట్టినరోజు శుభాకాంక్షలు. కళ్యాణ్‌రామ్‌గారి కెరీర్‌లో ‘షేర్‌’ ఒక సెన్సేషనల్‌ మూవీ అవుతుంది. నందమూరి అభిమానులు పండగ చేసుకునేలా ఈ సినిమా వుంటుంది. ‘పటాస్‌’ తర్వాత మళ్ళీ కళ్యాణ్‌రామ్‌గారు ఈ సినిమాలో విజృంభించి నటించారు’’ అన్నారు.

నందమూరి కళ్యాణ్‌రామ్‌ సరసన సోనాల్‌చౌహాన్‌ హీరోయిన్ గా నటిస్తుంది. ఈ చిత్రానికి కథ, మాటలు డైమండ్‌ రత్నబాబు అందిస్తున్నాడు. థమన్‌ సంగీతం సమకూరుస్తున్నాడు. సినిమాటోగ్రఫీ: సర్వేష్‌ మురారి, సమర్పణ: సాయి నిహారిక, శరత్‌చంద్‌, నిర్మాత: కొమర వెంకటేష్‌, కథ-స్క్రీన్‌ప్లే-దర్శకత్వం: మల్లికార్జున్‌.