యూట్యూబ్ లో శ్రీముఖి చంద్రిక ప్రచార చిత్రం

Posted: 07/06/2015 09:19 AM IST

Actress srimukhi chandrika movie latest updates

సంచలన విజయం సాధించిన ‘చంద్రముఖి’ తరహాలో రూపొందుతున్న హర్రర్‌ డ్రామా ఎంటర్‌టైనర్‌ ‘చంద్రిక’. తెలుగు`కన్నడ భాషల్లో ఏకకాలంలో రూపొందుతున్న ఈ చిత్రాన్ని ‘ఫ్లయింగ్‌ వీల్స్‌ ప్రొడక్షన్స్‌’ పతాకంపై శ్రీమతి వి.ఆశ నిర్మిస్తున్నారు. కార్తీక్‌ జయరామ్‌, కామ్నజెత్మలాని, శ్రీముఖి హీరోహీరోయిన్లుగా నటిస్తున్న ఈ చిత్రం ద్వారా ‘యోగేష్‌ మునిసిద్దప్ప’ దర్శకుడిగా పరిచయం అవుతున్నారు. ఓ కొత్త జంట ఎంతో అన్యోన్యంగా నివసించే ఓ భవనంలో జరిగే అనూహ్య సంఘటనల సమాహారంగా, సరికొత్త స్క్రీన్‌ప్లేతో తెరకెక్కుతున్న ‘చంద్రిక’ ప్రచార చిత్రాన్ని ఇటీవల ‘యూట్యూబ్‌’లో నేరుగా విడుదల చేశారు. విడుదలైన కొద్ది గంటల్లోనే లక్షకుపైగా వ్యూస్‌ సాధించడం ద్వారా ఈ చిత్రం అందరి దృష్టినీ విశేషంగా ఆకర్షిస్తోంది.

ఈ సందర్భంగా ‘ఫ్లయింగ్‌ వీల్స్‌ ప్రొడక్షన్స్‌’ అధినేత్రి వి.ఆశ మాట్లాడుతూ.. ‘‘భారతీయ సినిమా చర్రితలో ఎన్నటికీ చెరగని ముద్ర వేసిన ‘చంద్రముఖి’ని తలపించేలా.. ‘చంద్రిక’ చిత్రాన్ని మా దర్శకుడు యోగేష్‌ మునిసిద్దప్ప ఎంతో అద్భుతంగా తీర్చిదిద్దుతున్నారు. హీరో కార్తీక్‌ జయరామ్‌, హీరోయిన్లు కామ్మజెత్మలాని, శ్రీముఖి ఒకరితో ఒకరు పోటీ పడి నటించారు. ఇక గిరీష్‌ కర్నాడ్‌ గురించి నేను ప్రత్యేకంగా చెప్పేదేముంది? గ్రాఫిక్స్‌ వర్క్‌తోపాటు పోస్ట్‌ ప్రొడక్షన్‌ కార్యక్రమాలు దాదాపుగా పూర్తయ్యాయి. యు ట్యూబ్‌లో రిలీజ్‌ చేసిన ట్రయిలర్‌కు చాలా మంచి రెస్పాన్స్‌ వస్తోంది. త్వరలో ఈ చిత్రం ఆడియోను విడుదల చేసేందుకు సన్నాహాలు చేస్తున్నాం’ అన్నారు.