శరవేగంగా పూర్తిచేసుకుంటున్న కమల్ చీకటి రాజ్యం

Posted: 07/01/2015 09:57 AM IST

లోకనాయకుడుగా పేరును దక్కించుకున్న తమిళ అగ్ర హీరో కమల్ హాసన్ నటిస్తున్న తాజా చిత్రం ‘చీకటి రాజ్యం’. తమిళ, తెలుగు భాషలలో ఏకకాలంలో తెరకెక్కుతోంది. ఈ చిత్రానికి సంబంధించిన ఫస్ట్ లుక్ పోస్టర్ ఇటీవలే విడుదలై మంచి టాక్ ను సొంతం చేసుకున్నాయి. ప్రస్తుతం ఈ చిత్ర షూటింగ్ శరవేగంగా జరుగుతోంది.

ఇందులో కమల్ లుక్ చాలా స్టైలిష్ గా వుంది. చాలా రోజుల తర్వాత మళ్లీ కమల్ ను ఇలాంటి స్టైలిష్ గెటప్ లో చూడటంతో అభిమానులు చాలా సంతోషంగా వున్నారు. అయితే ఈ చిత్ర షూటింగ్ ను జులై నెల చివర్లోపు పూర్తి చేయాలని చిత్ర యూనిట్ సన్నాహాలు చేస్తున్నారు.

కమల్ సరసన త్రిష హీరోయిన్ గా నటిస్తుంది. నటి మధుశాలిని ఓ కీలక పాత్రలో నటిస్తుంది. ఈ చిత్రానికి రాజేష్ సెల్వ దర్శకత్వం వహిస్తున్నాడు. త్వరలోనే షూటింగ్ పూర్తి చేసుకొని, ఈ ఏడాది చివర్లోనే ఈ చిత్రాన్ని ప్రేక్షకుల ముందుకు తీసుకురానున్నారు.