99 పాటలతో వస్తున్న ఏఆర్ రెహమాన్

Posted: 06/30/2015 01:23 PM IST

ప్రముఖ సంగీత దర్శకుడు ఏఆర్ రెహమాన్ కొత్త వారిని ప్రొత్సహిస్తూ సినిమాలు నిర్మిస్తానని ప్రకటించిన విషయం తెలిసిందే. ఇందులో భాగంగా రెహమాన్ ఓ సినిమాను రూపొందిస్తున్నారు. ఈ సినిమాలో అందరూ కొత్తవారే నటించనున్నారు. అలాగే ఈ చిత్రానికి విశ్వేష్ కృష్ణమూర్తి అనే ప్రముఖ రంగస్థల నటుడు, నృత్య కళాకారుడు దర్శకత్వం వహించనున్నాడు.

సంగీత నేపథ్యంతో తెరకెక్కనున్న ఈ చిత్రాన్ని హిందీ, తమిళం భాషలలో ఏకకాలంలో తెరకెక్కించనున్నారు. ఈ చిత్రానికి హిందీలో ‘99 సాంగ్స్’ అని, తమిళంలో ‘99 పాడల్ గళ్’ అనే టైటిల్ ను నిర్ణయించారు. ఈ సినిమా కోసం ఇప్పటికే రెహమాన్ ఐదు పాటల కంపోజింగ్ పూర్తి చేసారట. మిగిలిన 5 పాటలను అతి త్వరలోనే పూర్తి చేసి, షూటింగ్ ప్రారంభించనున్నారని తెలిసింది.

ఈ చిత్రాన్ని ఏఆర్ రెహమాన్ తన సొంత బ్యానరైన ఏఆర్ రెహమాన్ వైఎంసీ బ్యానర్లో నిర్మించనున్నారు. ఈ చిత్రానికి ఏఆర్ రెహమాన్ సంగీతం అందిస్తున్నప్పటికీ భవిష్యత్తులో మాత్రం తన బ్యానర్లో వచ్చే చిత్రాలకు కొత్త సంగీత దర్శకులకు కూడా అవకాశం ఇవ్వనున్నాడు. త్వరలోనే ఈ చిత్రానికి సంబంధించిన వివరాలు అధికారికంగా ప్రకటించనున్నారు.