బాలకృష్ణ డిక్టేటర్ షూటింగ్ ప్రారంభం

Posted: 05/29/2015 12:03 PM IST

Balakrishna dictator movie launched today

‘లయన్’ సినిమా నందమూరి బాలకృష్ణ తర్వాత తన 99వ చిత్రం ‘డిక్టేటర్’ లో నటించనున్న విషయం తెలిసిందే. ప్రముఖ దర్శకుడు శ్రీవాస్ దర్శకత్వంలో తెరకెక్కనున్న ఈ చిత్రాన్ని ప్రముఖ బాలీవుడ్ చిత్రాల నిర్మాణ సంస్థ ఈరోస్ ఇంటర్నేషనల్ తో కలిసి శ్రీవాస్ ఈ చిత్రాన్ని నిర్మిస్తున్నారు.

ఈ చిత్ర ముహూర్త కార్యక్రమాలు నేడు ప్రారంభమయ్యాయి. ఇందులో బాలయ్య సరసన అంజలి హీరోయిన్ గా నటిస్తుంది. ఈ ముహూర్త కార్యక్రమానికి బాలయ్య, అంజలితో పాటు చిత్ర యూనిట్ సభ్యులు, ఇతర సినీ ప్రముఖులు పాల్గొని శుభాకాంక్షలు తెలియజేసారు.

కొనవెంకట్, గోపి మోహన్ కథ, స్ర్కీన్ ప్లే ను అందిస్తున్న ఈ చిత్రానికి శ్రీధర్ సీపాన, డైమండ్ రత్నం డైలాగ్స్ అందిస్తున్నారు. థమన్ సంగీతం అందిస్తున్నాడు. వచ్చే నెల మొదటి వారం నుంచి రెగ్యులర్ షూటింగ్ ప్రారంభం కానుంది. మరిన్ని వివరాలు త్వరలోనే తెలియనున్నాయి.