అర్పితా రిసెప్షన్ పార్టీలో సల్మాన్ కేవ్వుకేక

Posted: 05/26/2015 11:51 AM IST

Salman khan enjoyed in arpita reception party

సల్మాన్ ఖాన్ సోదరి అర్పితా ఖాన్ వివాహం ఇటీవలే హిమాచల్ ప్రదేశ్ రాష్ట్ర మంత్రి అనిల్ శర్మ కొడుకు ఆయుష్ శర్మతో జరిగిన విషయం తెలిసిందే. అర్పితా, ఆయుష్ ల రిసెప్షన్ కార్యక్రమం నిన్న అంగరంగ వైభవంగా జరిగింది. ఈ కార్యక్రమానికి సల్మాన్ ఖాన్ కుటుంబం మొత్తం హాజరయ్యారు.

కనీవినీఎరుగని రీతిలో వీరి వివాహం జరిగింది. అయితే నిన్న ఆయుష్ శర్మ సొంత ఊరైన హిమాచల్ ప్రదేశ్ లోని మండిలో వీరి రిసెప్షన్ కార్యక్రమం ఘనంగా జరిగింది. ఈ కార్యక్రమానికి సల్మాన్ తన తల్లి సల్మా, సోదరుడు సోహైల్ తో కలిసి హాజరయ్యారు. ఈ కార్యక్రమానికి ఇతర అతిథులు, ప్రముఖులు దాదాపు 10 వేల మందికి పైగా విచ్చేసారు.

ఈ కార్యక్రమంలో సల్మాన్ డాన్స్ చేసి అందరిలో హూషారేకెత్తించారు. దాదాపు 4 గంటల పాటు అక్కడి వారితో ముచ్చటిస్తూ, చాలా సంతోషంగా గడిపారు. తన ప్రాణానికి ప్రాణమైన చెల్లెలు అర్పితను తన అత్త వారింట్లో అప్పగించేందుకు వచ్చానని సల్మాన్ ఖాన్ చెప్పుకొచ్చారు.

Salman Khan Attends Arpita Reception Party-02