సాహస విక్రమ ధీశాలి.. రణతంత్ర కళా కుశలి.. ఈ బాహుబలి!

Posted: 05/22/2015 04:34 PM IST

‘మిర్చి’ తర్వాత యంగ్ రెబల్ స్టార్ ప్రభాస్ ‘బాహుబలి’ చిత్రానికే పరిమితమవ్వడంతో మరో సినిమా రూపొందలేదు. ‘బాహుబలి’ సినిమా కోసం ప్రభాస్ భారీగా బరువు పెరిగాడు. అలాగే అధికంగా జుట్టు, గడ్డం, మీసాలతో ఓ నిజమైన బాహుబలి వలే సిద్ధమయ్యాడు.

ఎస్.ఎస్.రాజమౌళి దర్శకత్వంలో రూపొందుతున్న ‘బాహుబలి’ చిత్రంలో ప్రభాస్ ద్విపాత్రాభినయం చేసారు. బాహుబలి, శివుడు పాత్రలలో నటించాడు. అయితే గతకొద్ది రోజులుగా ‘బాహుబలి’ చిత్రానికి సంబంధించిన పోస్టర్ల ప్రమోషన్ కార్యక్రమాలు జరుగుతున్న విషయం తెలిసిందే.

ఇప్పటికే ఈ సినిమాలో నటించిన ప్రధాన, కీలక నటీనటుల పాత్రలకు సంబంధించిన ఫస్ట్ లుక్ పోస్టర్లను విడుదల చేసారు. అదే విధంగా ప్రభాస్ శివుడు పాత్రకు సంబంధించిన ఫస్ట్ లుక్ ను ఇటీవలే విడుదల చేసారు. ఈ పోస్టర్ కు భారీ రెస్పాన్స్ వచ్చింది. అయితే తాజాగా బాహుబలి పాత్రకు సంబంధించిన ఫస్ట్ లుక్ పోస్టర్ ను విడుదల చేసారు.

ఎంతమందినైనా ఎదిరించగల గుండెదమ్మున్న వీరుడిగా ప్రభాస్ ఈ బాహుబలి లుక్ లో అదరగొడుతున్నాడు. ఈ సినిమాపై వున్న అంచనాలు తారాస్థాయికి చేరుకున్నాయి. ప్రభాస్, అనుష్క, రానా, తమన్నా ప్రధాన పాత్రలలో నటిస్తున్న ఈ చిత్రానికి ఎం.ఎం. కీరవాణి సంగీతం అందిస్తున్నాడు.

తెలుగు, తమిళ ఆడియో హక్కులను ప్రముఖ లహరి మ్యూజిక్ సంస్థ భారీ మొత్తానికి దక్కించుకుంది. ఈ చిత్ర ఆడియో, థియేటర్ ట్రైలర్ ను ఈనెల 31వ తేదిన భారీ ఎత్తున విడుదల చేయనున్నారు. భారీ బడ్జెట్ తో ఆర్కా మీడియా సంస్థ ప్రతిష్టాత్మకంగా నిర్మిస్తున్న ఈ చిత్రాన్ని ప్రపంచ వ్యాప్తంగా జులై 10వ తేదిన తెలుగు, తమిళ, హిందీ భాషలలో గ్రాండ్ గా విడుదల చేయడానికి సన్నాహాలు చేస్తున్నారు.