బెంగుళూర్ లో మంజిమతో చైతూ రొమాన్స్

Posted: 05/22/2015 09:52 AM IST

అక్కినేని నాగచైతన్యకు రొమాంటిక్ హీరోగా మంచి హిట్ ను అందించిన చిత్రం ‘ఏమాయ చేసావే’. తమిళ దర్శకుడు గౌతమ్ మీనన్ దర్శకత్వంలో తెరకెక్కిన ఈ చిత్రం తెలుగు, తమిళంలో భారీ విజయం సాధించింది. తమిళంలో శింబు హీరోగా నటించాడు. అయితే చాలా కాలం తర్వాత మళ్లీ వీరి ముగ్గురి కాంబినేషన్లో ఓ చిత్రం తెరకెక్కుతుంది.

తెలుగులో నాగచైతన్య, తమిళంలో శింబు హీరోలుగా గౌతమ్ మీనన్ ఏకకాలంలో ఓ చిత్రం తెరకెక్కిస్తున్నాడు. ఇందులో మలయాళ భామ మంజిమ మోహన్ హీరోయిన్ గా నటిస్తుంది. ప్రస్తుతం ఈ చిత్ర షూటింగ్ బెంగుళూర్ లో జరుగుతోంది. హారీస్ జయరాజ్ సంగీతం అందిస్తున్నాడు.

‘ఏమాయ చేసావే’ తరహాలోనే సాగే రొమాంటిక్ ప్రేమకథాచిత్రమని తెలిసింది. ఈ సినిమాపై నాగచైతన్య, శింబు ఇద్దరూ కూడా భారీ ఆశలు పెట్టుకున్నారు. ఈ సినిమా హిట్టయితే మళ్లీ వీరికి భారీ క్రేజ్ రావడం ఖాయం. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.