మే 23న వినవయ్యా రామయ్యా పాటలు వేడుక

Posted: 05/21/2015 05:08 PM IST

నాగాన్వేష్, కృతిక జంటగా నటిస్తున్న తాజా చిత్రం ‘వినవయ్యా రామయ్యా’. ప్రముఖ దర్శకుడు జి.రాంప్రసాద్ దర్శకత్వంలో తెరకెక్కుతున్న ఈ చిత్రాన్ని సింధురపువ్వు కృష్ణారెడ్డి నిర్మిస్తున్నారు. అనూప్ సంగీతం అందిస్తున్నారు.

నాగాన్వేష్ ఇప్పటికే ‘ఇంట్లో ఇల్లాలు వంటింట్లో ప్రియురాలు’ సినిమాలో బాలనటుడిగా నటించాడు. ఇక కృతిక ఇటీవలే వచ్చిన ‘దృశ్యం’ సినిమాలో కీలక పాత్రలో నటించింది. ఈ సినిమాతో హీరోహీరోయిన్లుగా ఎంట్రీ ఇస్తున్నారు. ఇటీవలే విడుదలైన పోస్టర్లకు, ట్రైలర్లకు మంచి స్పందన వచ్చింది.

ఈ చిత్ర ఆడియోను ఈనెల 24న విడుదల చేయాలని అనుకున్నారు. కానీ ఒకరోజు ముందుగానే అంటే.. మే 23న ఈ చిత్ర ఆడియోను విడుదల చేయనున్నారు. బ్యూటీఫుల్ లవ్, రొమాంటిక్ ఎంటర్ టైనర్ గా ఈ చిత్రాన్ని జున్ చివర్లో విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలను అధికారికంగా ప్రకటించనున్నారు.