హ్యట్రిక్ రొమాన్స్ చేయనున్న క్యూట్ పెయిర్

Posted: 05/05/2015 01:24 PM IST

Naga chaitanya to romance with tamanna again

‘దోచేయ్’ తర్వాత నాగచైతన్య హీరోగా ‘కార్తీకేయ’ ఫేం దర్శకుడు చందు మొండేటి దర్శకత్వంలో ఓ చిత్రం తెరకెక్కనున్న విషయం తెలిసిందే. ఈ చిత్రంలో హీరోయిన్ గా తమన్నాను ఖరారు చేసారు. ఈ విషయాన్ని దర్శకుడు చందు కన్ఫర్మ్ చేసారు.

త్వరలోనే నాగచైతన్య, తమన్నాలతో ఓ సినిమా ప్రారంభం కానుందని తాజాగా చందు తెలియజేసాడు. నాగచైతన్య, తమన్నాల కాంబినేషన్లో వచ్చిన ‘100% లవ్’, ‘తడాఖా’ చిత్రాలు సూపర్ హిట్టయ్యాయి. పైగా ఈ జోడికి మంచి మార్కులే పడ్డాయి. దీంతో ఈ జోడితో ఎలాగైనా మరోసారి హిట్టు కొట్టాలని దర్శకుడు చందు మొండేటి ప్రయత్నాలు చేస్తున్నాడు.

ఈ ప్రాజెక్టుకు సంబంధించిన ప్రీ ప్రొడక్షన్ పనులు చివరి దశకు చేరుకున్నాయి. హారిక & హాసిని క్రియేషన్స్ బ్యానర్లో నిర్మాత ఎస్.రాధాకృష్ణ ఈ చిత్రాన్ని నిర్మించనున్నారు. త్వరలోనే ఈ ప్రాజెక్టు సెట్స్ పైకి వెళ్లనుంది. త్వరలోనే అన్ని వివరాలు తెలియనున్నాయి.