రాశిఖన్నాతో జతకట్టనున్న రామ్

Posted: 05/05/2015 09:45 AM IST

రామ్ హీరోగా నటిస్తున్న ‘పండగ చేస్కో’ చిత్రం విడుదలకు సిద్ధమవుతోంది. గోపిచంద్ మలినేని దర్శకత్వంలో తెరకెక్కుతున్న ఈ చిత్రంలో రామ్ సరసన రకూల్ ప్రీత్ సింగ్, సొనాల్ చౌహన్ లు హీరోయిన్లుగా నటిస్తున్నారు. ఇటీవలే విడుదలై ఈ చిత్ర ఆడియోకు మంచి స్పందన వస్తుంది. త్వరలోనే ఈ చిత్రం ప్రేక్షకుల ముందుకు రానుంది.

అలాగే రామ్ హీరోగా నటిస్తున్న మరో తాజా చిత్రం ‘శివం’. శ్రీనివాస్ రెడ్డి దర్శకుడిగా పరిచయమవుతున్న ఈ చిత్రాన్ని స్రవంతీ మూవీస్ పతాకంపై స్రవంతి రవికిషోర్ నిర్మిస్తున్నారు. ఇందులో హీరోయిన్ గా నేహాశర్మ చెల్లెలు అయిషాను ఎంపిక చేసినట్లుగా వార్తలొచ్చాయి. కానీ తాజా సమాచారం ప్రకారం ఇందులో రామ్ సరసన హీరోయిన్ గా రాశిఖన్నాను ఎంపిక చేసినట్లుగా తెలిసింది.

ఈ అమ్మడు హీరోయిన్ గా నటించిన దాదాపు అన్ని సినిమాలు కూడా మంచి విజయం సాధించాయి. ఇటీవలే ‘శివం’ చిత్ర దర్శక,నిర్మాతలు రాశిఖన్నాను తమ సినిమాలో హీరోయిన్ గా ఎంపిక చేసినట్లుగా తెలిసింది. రాశిఖన్నా కూడా ఈ ప్రాజెక్టుకు గ్రీన్ సిగ్నల్ ఇచ్చినట్లుగా సమాచారం. త్వరలోనే అధికారికంగా అన్ని వివరాలు ప్రకటించనున్నారు.