రవితేజ కిక్2 ఆడియో ట్రాక్ లిస్ట్ విడుదల

Posted: 05/04/2015 06:11 PM IST

రవితేజ, సురేంధర్ రెడ్డి, థమన్ కాంబినేషన్లో వచ్చిన ‘కిక్’ సినిమా ఎంతటి మ్యూజికల్ హిట్టయ్యిందో అందరికి తెలిసిందే. ప్రస్తుతం ఇదే కాంబినేషన్లో ‘కిక్’ సీక్వెల్ గా ‘కిక్2’ చిత్రం తెరకెక్కుతోంది. నందమూరితారకరామారావు ఆర్ట్స్ బ్యానర్లో నందమూరి కళ్యాణ్ రామ్ ఈ చిత్రాన్ని నిర్మిస్తున్నారు. రవితేజ సరసన రకూల్ ప్రీత్ సింగ్ హీరోయిన్ గా నటిస్తుంది.

అవుట్ అండ్ అవుట్ కామెడీ, యాక్షన్ ఎంటర్ టైనర్ గా రూపొందుతున్న ఈ చిత్రాన్ని దివంగత నటుడు, స్వర్గీయ నందమూరి తారకరామారావు జన్మదినమైన మే 28న విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.

ఇటీవలే విడుదలైన ‘కిక్2’ ఫస్ట్ లుక్ ట్రైలర్ కు మంచి స్పందన వస్తోంది. ఈ సినిమాకు వక్కంతం వంశీ మాటలు రాస్తున్నాడు. షూటింగ్ చివరి దశకు చేరుకుంది. థమన్ సంగీతం అందిస్తున్న ఈ చిత్ర ఆడియోను మే 9న ఘనంగా విడుదల చేయనున్నారు. అయితే తాజాగా ఈ చిత్ర ఆడియో ట్రాక్ లిస్ట్ ను విడుదల చేసారు. ఆ ట్రాక్ లిస్ట్ స్పెషల్ గా మీకోసం అందిస్తున్నాం. మీరు ఓ లుక్కేయండి.