మా తమ్ముడి పెళ్లికి తప్పకరాగలరు: ఈదర రాజేష్

Posted: 05/02/2015 10:03 AM IST

ప్రముఖ దర్శకుడు ఇవివి సత్యనారాయణ చిన్న కొడుకు, ప్రముఖ నటుడు అల్లరి నరేష్ నిశ్చితార్థం నిన్న(మే1) విరూపతో చెన్నైలోని లీలా ప్యాలెస్ లో ఘనంగా జరిగింది. ఇరు కుటుంబాల సభ్యులతో పాటు అల్లరి నరేష్ సినీ స్నేహితులు కూడా హాజరయ్యారు. అయితే ఈ పెళ్లి వార్తను నరేష్ అన్నయ్య, ప్రముఖ నటుడు ఆర్యన్ రాజేష్ అధికారికంగా ప్రకటించారు.

మా తమ్ముడు ఈదర నరేష్, ఈదర వీర వెంకట సత్యనారాయణ(లేట్), సరస్వతి దంపతుల ద్వితీయ పుత్రుడు, రామకృష్ణ కంఠమనేని, రమ దంపతుల పుత్రిక విరూప కంఠమనేనిల నిశ్చితార్థ వేడుక ఈ రోజు(మే 1న) చెన్నైలోని లీలా ప్యాలెస్ లో జరిగింది. వీరివురి వివాహాన్ని జరపడానికి కుటుంబ పెద్దలు నిశ్చయించినారు. మే 29న రాత్రి 9 గంటల 3 నిమిషాలకు హైదరాబాద్ లోని ఎన్ కన్వెన్షన్ సెంటర్ లో వీరి వివాహాం జరుగును. బంధు, సపరివార సమేతంగా వచ్చి వధూవరులను ఆశ్వీర్వదించాలని ప్రార్థన....

ఇట్లు
ఈదర రాజేష్