మే 1న పండగ చేస్కో పాటలు విడుదల

Posted: 04/27/2015 04:00 PM IST

రామ్, రకుల్ ప్రీత్ సింగ్, సోనాల్ చౌహాన్ హీరోహీరోయిన్లుగా నటిస్తున్న తాజా చిత్రం ‘పండగ చేస్కో’. ‘బలుపు’ వంటి బ్లాక్ బస్టర్ హిట్ చిత్రం తర్వాత ప్రముఖ దర్శకుడు గోపిచంద్ మలినేని దర్శకత్వంలో తెరకెక్కుతున్న ఈ చిత్రానికి థమన్ సంగీతం అందిస్తున్నాడు.

కమర్షియల్ యాక్షన్ లవ్ ఎంటర్ టైనర్ గా రూపొందుతున్న ఈ చిత్రాన్ని యునైటెడ్ మూవీస్ బ్యానర్లో నిర్మాత పరుచూరి కిరిటీ నిర్మిస్తున్నారు. ఈ చిత్ర ఆడియోను మే 1వ తేదిన ఘనంగా విడుదల చేయనున్నారు. ఈ విషయాన్ని స్వయంగా రామ్ తన సోషల్ మీడియా ట్విట్టర్ అకౌంట్ ద్వారా తెలియజేసారు.

ఇటీవలే విడుదలైన ఫస్ట్ లుక్ పోస్టర్లకు మంచి స్పందన వస్తోంది. ఇప్పటికే షూటింగ్ పూర్తి చేసుకున్న ఈ చిత్రం త్వరలోనే ప్రేక్షకుల ముందుకు రానుంది. త్వరలోనే అన్ని వివరాలను అధికారికంగా ప్రకటించనున్నారు.