మురుగదాస్ అకీరా సినిమాలో లక్కీరాయ్

Posted: 03/31/2015 04:22 PM IST

హీరోయిన్ లక్ష్మీ రాయ్ తన పేరును రాయ్ లక్ష్మీగా మార్చుకున్న విషయం అందరికి తెలిసిందే. తన పేరును ‘రాయ్ లక్ష్మీ’గా మార్చుకున్న క్షణం నుంచి వరుస ఆఫర్లు వస్తున్నట్లుగా భావిస్తుంది. అంతే కాకుండా ఈ అమ్మడు ఈ మధ్య నటిస్తున్న సినిమాలన్నీ కూడా వరుసగా విజయం సాధిస్తుండటంతో సౌత్ ఇండస్ట్రీలో వరుస ఆఫర్లు వచ్చిపడుతున్నాయి.

ప్రస్తుతం తమిళంలో రెండు, మూడు చిత్రాలతో బిజీగా వున్న ఈ అమ్మడు తాజాగా మరో బంపర్ ఆఫర్ ను దక్కించుకుంది. ఎ.ఆర్.మురుగదాస్ దర్శకత్వంలో హిందీలో ‘అకీరా’ అనే చిత్రం తెరకెక్కుతున్న విషయం తెలిసిందే. సోనాక్షి సిన్హా ప్రధాన పాత్రలో నటిస్తోంది. అయితే ఈ చిత్రంలో రాయ్ లక్ష్మీ ఓ గెస్ట్ రోల్ కనిపించనుందట. ఈ విషయాన్ని స్వయంగా రాయ్ లక్ష్మీ తన సోషల్ మీడియా ద్వారా చెప్పుకొచ్చింది.

మరి ఈ సినిమా రాయ్ లక్ష్మీకి ఎలాంటి అవకాశాలు తెచ్చిపెట్టనుందో చూడాలి. రాయ్ లక్ష్మీ ప్రస్తుతం తమిళ, మలయాళ, కన్నడ చిత్రాలతో బిజీగా వుంది. ఈ చిత్రాలన్నీ కూడా త్వరలోనే ప్రేక్షకుల ముందుకు రానున్నాయి.